مقالاتثقافة وفنفن ومشاهير

LEJARDIN ابداع شريف سالم من منتجات الجلد طبيعى براند مصرى بكل فخر

LEJARDIN ابداع شريف سالم من منتجات الجلد طبيعى براند مصرى بكل فخر

كتبت ايمان خالد

…..

براند LEJARDIN تصميمات مختلفة من الجلد الطبيعي نافسة  السوق العالمى فى جودتها وشكلها المميز بيد صانعها المبدع شريف سالم  فنان ينتج بانامل ذهبيه ليطل علينا بتصميماتة المميزة مختلفةوقمة فى الشياكة والجمال والدقة نافس بها السوق العالمى فهيا بنا نتعرف على LEJARDIN

عرفنا على  نفسك من البداية؟

اسمي شريف سالم

خريج ٢٠٠٧

مدرس عربي

ومحب لفنون الهاند ميد والاشغال اليدويه كلها

بحب كل حاجة تكون من الطبيعة

من البدايه ان بحب الرسم والتصوير والتشكيل عموما وبستخدام المواد زي النحاس والمعادن والطين في انتاج اشكال مختلفة نقدر نستخدمها في حياتنا اليومية

وكان اقرب حاجة ليا اقدر استخدمها الجلد الطبيعي خصوصا اني كنت بحتاج

اشكال شنط او محافظ معينه مش بلاقيها او اللي موجودة مش بتوفر احتياجاتي

كلمنا عن بدايتك؟

بدايتي اني اصمم منتجات لنفسي وبدأت فعلا وكانت بدايتي مليئة بالفشل لكن مع التصميم والارادرة قدرت اتعلم وكملت وواصلت لحد ما فهمت المشاكل اللي كانت بتواجهني وعرفت طرق تصميم الباترون وتجميع المنتج وخياطه وتكنيك الخياطة

ماهى  رأيتك لشكل منتجاتك؟

ابتدى يكون عندي رؤيه واضحة شويه لشكل المنتجات بتعتي والهدف منها وازاي يكون عندي عميل معين بصوب نحوه المنتج ده بحيث يكون هدف سهل ويبتدي يفكر في شراء منتج واحد من منتجاتي

ماهى  هدافك للمستقبل؟

اصبح ليا هدف ان في كل بيت مصري ع الاقل منتج من المنتجات الجلديه ل LEJARDIN

وبقت هي دي الفكرة او المحور الاساسي ورا كل منتج بيتم الترويج ليه

وهو ازاي اوصل لكل بيت مصري سواء كان بالجودة او السعر او التصميم العصري السهل اللي يقدر كل شخص يحبه ويقتنيه وكمان كان الاهتمام بالمنتجات البسيطة البعيده عن الرسومات والفنيات الكتيرة لانها هاتناسب اذواق كتيرة جدا كمان هيبان فيها الدقة ومهارة الشغل وهاتقل معاها العيوب اللي كتير مننا بننتقدها زي التقفيل وزي الخياطة غير المنتظمة او غيرة من العيوب واللي قدرت LEJARDIN انها تحافظ عليها دايما وتطلع منتج يليق بيها وبمستوى وذوق أي إنسان ده غير اننا بنلبي احتياج كل شخص وبنعتبر ان كل مناسبه ليها هي ايضا مناسبه خاصة لينا سواء كان سهرة او خروجه او اجتماع عمل فتنوعت اعمالنا بحيث تناسب جميع الاشخاص والافكار والاعمال

متى تم انطلاق براند LEJARDIN?

LEJARDIN حلم

بدأ من سنه ونصف تقريبا وان شاء الله يستمر لحد ما يكون اسم من اهم الاسامي اللي بتؤثر في تلك الصناعة ع مستوى العالم

ما الذى يميز LEJARDIN?

LEJARDIN كمان بتتميز انها دايما بتهتم بنوعيه وجوده الخامات العالميه

وبتفتخر بانها بستخدم نوعيات لها اسم عريق سواء في السوق المحلي او العالمي وفي بعض الجلود اللي استخدمناها كانت لها تاريخ كبير جدا يريجع لمدابغ من سنه ١٩٠٥

احنا بنحاول يكون لينا اسم وعلامه يفتخر بيها كل مصري وافتخر بيها قدام ربنا سبحانه وتعالى واقدر اقوله اني عملت حاجة واني ايدي تعبت عشان تنتج حاجة تسعد الناس

هل LEJARDIN اتاح الفرصه للجيل الجديد تعلم افكار وتصميمات البراند؟ والتشجيع على العمل؟

لوجاردين كمان اهتمت ان يكون في جيل يتعلم منها ويبتدي يخرج لسوق العمل عشان يطبق افكارها وتصميماتها بشكل عصري وجميل واصبح في فرع جديد اسمه LEJARDIN CORSES

وانتج العديد من المتدربين اللي بيساهموا بشكل كبير في تقدم البلاد وبيكونوا داعم اساسي لاقتصادها ونموها على مستوى العالم وان فكرة التعليم والتدريب هي احد اهدافها الحقيقية للوصول للناس ولتشجيعهم ع العمل الجاد المعني وانه العمل اليدوي مش عيب بالعكس ده شرف لكل انسان

اتمنى ان الوقت البسيط ده يكون محل سعادة ليكم وشكرا لحسن ضيافتكم لنا

فى النهايه بتمنالك كل التوفيق والنجاح والتميز الدائم واكيد اسعدتنا

مدير قسم المقالات ايمان خالد

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى