مقالاتثقافة وفنفن ومشاهير

امل تغزل الكروشيه بمنتهى الابداع

امل تغزل الكروشيه بمنتهى الابداع

فن الكروشية تغزله اليوم فنانه بشكل مختلف تغزل الخيوط باناملها المبدعه لتطل علينا بمنتجات منتهى الجمال والفن الراقى والمتميز له جمالا مختلف يجزب الأبصار والقلوب أيضا واليوم سنتعرف على فن الكروشيه باعمال  المبدعه امل رجب

عرفينا على نفسك؟ومتى بداتى مشوارك فى فن الكروشيه؟

انا اسمى امل رجب عندى ٣٠ سنه من محافظه البحيره

بداءات المشروع تقريبا بعد ٨ سنين جواز فراغ كبير ووقت فاضى مفيش جديد ، الفضل الاول والاخير لحصة الاقتصاد المنزلى ف اعدادى علمتنا اساسيات الكروشيه وفضلت معايا لغايه ما رجعت للذكريات دى تانى وكمان لما كملت دراسه ودخلت دبلوم فنى بس مكذبش عليكى مكنتش مهتميه نهائى بالدراسه ولكن برده اتعلمت اساسيات التطريز وخلصت واتجوزت لقيت الفراغ ده وانا بحب ادخل كتير ع يوتيوب واتفرج ع الفيديوهات فقولت لجوزى هعمل صفحه كبدايه ونشوف الاول رفض بعدين وافق وكانت البدايه .. ورجعت ذكرياتى مع الكروشيه وال كام غرزه الل عارفاهم بتوع التطريز وعملت شويه حاجات شتوى كبدايه كام كوفيه وايس كاب وبعدين عملت اعلان مممول جروبي كبر تقريبا ف شهرين وف لحظه بعد ما عملت شغل بالنسبالى كان بدايه موفقه صفحتى اتقفلت وراح كل اال عملته تقريبا جالى إحباط ووقفت ٦ شهور بعد طبعا ما كانت الصفحه شغلى الشاغل وكبرتها ولكن كان رحمه ربنا افضل بكثير رجعت تانى من الصفر ولكن اقوى وبداءات اعمل شغل معملتوش قبل كدا

 

مين كان بيشجعك تكملى فشغلك؟

عملت شنطه لواحده صاحبتي وهى وثقت فيا وكان ثقتها ف محلها وكان وشها وش السعد عليا صاحبتى دى كانت معرفه فيس اسمها منال وكانت عايشه بره مصر ونازله اجازه وطلبت شنطه ليها ولبنتها وكانت فعلا وستزال وش السعد كله عليا بداءات بالفعل ف الشنط

هل طورتى من نفسك؟ وشغلك وصل لحد فين؟

طورت نفسي بالفيديوهات وبسؤال اال حواليا الل بتحب تساعد فعلا والحمد لله قررت انا كمان اكون سبب ف انه حد يعرف او يتعلم حاجه وعملت قناه عاليوتيوب قولت حتى لو معلومه بسيطه وقولتها وووصلت يبقي كدا نعمه من ربنا ، والحمد لله الجروب بيكبر بثقه الناس ف شغلى وكمان القناه بداءات تتعرف بفضل الله وكرمه عليا ، والحمد لله فعلا رجعت من الصفر

ولكن شحنت لبلاد كتير بفضل الله شغلى وصل من البحيره للقاهره والصعيد حتى و الشرقيه ودمياط بلاد كتير ف مصر حتى وصل ل انجلترا بفضل الله عملت طابلوهات تطريز هدايا لناس مصريين عايشين هنا واخدوهم هدايا لاصداقاءهم الاجانب والحمد لله وكمان مكنتش بعرف اصور واحده واحده بقيت افهم امتى اصور وازاى حتى لو بااقل تكاليف ولو حتى موبايل مش جودته عاليه ولكن ممكن باقل امكانيات تعمل احلى حاجه الحمد لله راضيه جدا عن الل وصلتله وراضيه جدا عن نفسي الحمد لله وده جزء من شغلى

فالنهايه بتمنالك التوفيق والنجاح والتميز الدائم

مدير قسم المقالات ايمان خالد

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى