ثقافة وفن

وحشتيني

أثناء إلقائي قصيدة عيناكَ جميلتان بالفصحى وقصيدة وحشتيني بالعامية في الأمسية الشعرية بمؤسسة أسرار الأسبوع قلعة الإبداع بالشرقية يوم الخميس 29/11/2018

وحشتيني …!

وحشتيني .. وحشتيني
يا فرحة عمري وسنيني
ياروح قلبي ونور عيني
يا فرحة بكره وامبارح
يا عشق وحب ماليني
يا خير طارح ف فداديني
بإسمك أمي ترقيني
ونور عينك بيهديني
لو كل الدنيا في كفة
لوحدك إنتي تكفيني
يامالكة الروح بحبك
يا داخله جوه تكويني
يا حبيبتي لما هتسافرى
وتفكرى إنك تسيبيني
ممكن أنساكِ و تنسيني؟
طيب .. وحشتيني

معقوله ياحبيبتي تنسي؟
تنسي همسي وكلامي
أو تنسي ضحكي وسلامي
ولا أحلامي وغرامي
أو تنسي حبي وحنيني
طيب.. وحشتني
وحشتني صورتي في عينيك
وحشني أسمي من شفايفك
روحي بتطوف حواليك
بعيدة عني لكن شايفك
تسافري وتمشي من سكات
تبعدك عني المسافات
وتغيبي عني أوقات
لكن مكانك جوه قلبي
تروحي وترجعي لحضني
ملكيش يا حبيبتي غير قلبي
أوعدك مش هاتقدرى تنسيني
تبعدي ويجيبك حبي
ويرجعك شوقي وحنيني
ياضحكة عمري وسنيني
وحشتيني .. وحشتيني

نسيتي القهوة المظبوطة
نشربها من كافتيريا تجارة
ولما أعزم صحباتك
وتبقي قاعدة مبسوطة
ولا الشاي بالنعناع
وبعده حبات النعناع
والشيكولاتة الجلاكسي
ونقسم كنزاية البيبسي
وتقولي إشرب ورايا
عشان تفضل معايا
وقبل ما اشرب يا حبيبتي
أدور مكان شفايفك
وأفضل أبوس فى الكنزاية
والضحكة تطلع من قلبك
تنور أيامي وسنيني
وحشتيني .. وحشتيني

ياريت ياحبيبتي تفكري
وما تتسرعيش وتقرري
تسيبيني وتبعدي عن دربي
تبعيني وتبيعي حبي
دا روحنا مقسومة ف جسدين
وقلب واحد مش قلبين
يشوفونا الناس ويحتاروا
إن كنا واحد ولا إتنين
يا حبيبتي لازم تعرفي
لسه مكانك فى قلبي
حاسس بيكِ مع نبضي
حبك بيسرى في دمى
بيجري جوا شراييني
وحشتيني وحشتيني وحشتيني

الوسوم
اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق