مقالات

هانبطل نتعصب بطريقة سحرية

كتبت : عبير عبد الله

طيب احنا بنتعصب ليه ؟؟؟

هل هذا الكائن الصغنن يقدر عصبنا
ايوووة يقدر لووو احنا عندنا الاستعداد

يعني ايه عندي استعداد .. هو في حد بيبقى عايز يتعصب !!

هقولك:
1 – يا أما أحنا مضغوطين أصلا وعندنا توتر وقلق من حاجة ( فبنتعصب على العيال 🌬)
2 – يا أما عملوا حاجة خبطت في الايجو بتاعنا ( شكلي ايه دلوقتي قدام الناس )
3 – يا أما خبط في الطفل اللي جوانا ( كسر ازازة البرفيوم الغالية اللي بحبها )

طيب ايه بقى الطريقة السحرية علشان ابطل اتعصب ؟؟؟

مفيش حاجة اسمها طريقة سحرية ده أنا كنت بشد انتباهك بس 😁

بس في طرق ازاي تقللي العصبية لحد ما تقل خاااالص
Real change take time
وفي طريقة لو اتمرنتي عليها هتقفشي نفسك قبل ما تتعصبى.

طيب ازاي أقلل العصبية ؟؟

1- ممارسة التأمل Meditation بتقلل العصبية
2- كثرة الذكر وقراءة القرآن .
3- تفريغ المشاعر اللي مضيقاني أول بأول عن طريق أكتب أو اتكلم
مع حد برتاح في الكلام معاه .
4- زيادة وعيي بمشاعري بيديني قدرة أكبر على التحكم في نفسي.

نشرح رقم 4 .. دلوقتي ركزي وأعرفي ايه اللي بيعصبك بالظبط
1 ولا 2 ولا 3 اللي فووووق خالص

كده هفهم آآآه أنا زعقتله لما كسر البرفيوم علشان أنا زعلت 🙁
طيب لما اتعصبت الازازة اتصلحت ؟؟ لأ
طيب هو كده اتعلم حاجة من الموقف ده لما اتعصبت ؟؟ لأ
أنا مبسوطة ؟؟ لأ

كده أنا بقى عندي الوعي للموقف من كل الأبعاد

أبدأ أقرر بقى ..لما أقفش نفسي هتعصب أعمل ايه ؟؟؟

واختار لنفسي بقى طريقة ( فعل ) أساعد نفسي بيه أني أمسك نفسي عن اني أتعصب

بمعنى لو أنا بتعصب وبضرب .. أمسك أيدي ( مثلا )
بزعق وبصَوت ( أسيب المكان أو أستغفر )
أفتكر شكل ابني وأنا متعصبة بيبقى عامل ازاي

لو أتدربت على السلوك الجديد بالتدرييييب هتقل العصبية ويحل محلها السلوك الجديد👌

كده أنا خلصت

سامحي نفسك .. كلنا بنتعصب .. وكل يوم في فرصة جديدة أننا نكون أفضل 🌹

أشكري نفسك أنك قريتي الموضوع لأخره .. وده علشان أنتي بتسعي أنك تكوني أفضل🌹

قوليلي ايه أكتر حاجة نورت معاكي 💡وهتبدأي تطبقيها 👌

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق