ثقافة وفن

هاتي يا دنيا

كلمات / إسلام عامر

هاتي يا دنيا كمان هاتي
كل خداعك أصبح عادي

عمر الفرحة معايا قصير
دايما اتوه كتير واتحير
والحزن منور كل حياتي

هاتي يا دنيا

من يوم ماوعيت أنا عليكي
بحايل فيكي واداديكي

طفل صغير كله ألام
ماتت جواه كل الأحلام
من ظلم وقسوة الأيام
عدا العمر فراق وخصام
وندمت على وجودي فيكي

هاتي يا دنيا

كل الحكاية م الأول
الجرح معايا بيطول
ومفيش اخلاص
ووفا فيكي

وان يوم ضحكت من قلبي
الضحكة كانت تتحول
لبحور دموع ف عيوني

ماقدرتش ابص ف مرايتي
لبست يومها نظارتي
والدمع جرحلي جفوني

هاتي يا دنيا

حتى الحبايب وعدوني
مايفرقوا قلبي يفوتوني
غدروا بيا وجرحوني
وسابوني لحيرتي وظنوني

هاتي يا دنيا

كل الأطبة احتاروا معايا
مفيش بديل أبدا لدوايا
غير قلمي يكتب اشعاري
وتطفي حروفه عذاب ناري

هاتي يا دنيا

ف النهاية أنا هاتغير
ده العمر بيجري وقصير
وابيع كل اللي باعوني

هاتي يا دنيا

كلمات / إسلام عامر

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى