رياضه عربية وعالمية

نصائح تربويه

كتبت رانيا علي الشويخ
اخصائيه تخاطب وتأهيل حركي ومدرب معتمد من جامعه عين شمس
🌸 نصائح تربوية 🌸

الدنيا مليانه حاجات تخوف ..
خصوصاً في المراهقه ..
خايفين عليهم وغصب عننا .. وانا عارفه والله ..

👌 تعالى أقولك تعملي إيه واحدة واحدة

✋ بس خليني أرجع الأول ورا خطوتين تلاته واقولكم ..

👈 الطفل بيجمع معلومات في السن الصغير خاالص بالنظر ..
وبعدين باللمس..
وبعدين بيشد نفسه علشان يعرف يقف ويمشي ..
وبعدين يفضل يسمع لحد مايتكلم ..
وبعدين يكبر شوية في سن الرخامة ده ويبدأ يسأل كتيييير علشان يكون database فيها تفاصيل كل حاجة تقابله ..

👈 لو حاولت توقف أي مرحلة من دي كأنك بالظبط بتقف في طريق نضجه وتطوره..
🤷‍♀️ ماينفعش تمنعه بمشي علشان خايف عليه ولا تمنعه يسأل ولا تمنعه يدوق ويلمس ..

طيب وبعدين ‼️🤔🤔🤔

✋👌 وبعدين يدخل المراهقة …
و يبدأ “يجرب بنفسه” ..
ويبدأ يكوِّن خبرته هو وتجربته الشخصية ..
ويحاول يثبت استقلاله وإنه موجود ويمكن زيه زيك أو يمكن كمان يحاول يثبت إنه أحسن منك ❗️

😳 يبدأ الرعب 👻

✋ هنا بقى أنت كأب أو أم ..
بتدخل في ذعر وغضب و صراع وندية .. وتزيييييد جداً الصدامات ومحاولات فرض القوة والسيطرة .. مظبوط ⁉️
عيارهم حيفلت ..مالهمش كبير .. محدش حيعرف يسيطر عليهم ❗️

👌👀 طب تيجي ننسى كده فكرة السيطرة شوية ..ونفكر في حل بديل ⁉️

زي ايه ⁉️
زي كده 👈 “ان كبر ابنك .. خاااااويه”

🧔👦🧓 ايوه خاويه …

جرب بجد تكلمه كده و تقوله مثلاً 🤓

✅ أنت كبير وانا واثق فيك .. حتعرف تتصرف ..حتعرف تحلها ..

✅ أنا متأكد إنك عارف كويس الأصول في الحالات اللي زي دي المفروض تتصرف ازاي ..

✅ أنا عارف إنك لو قدامك اختيار بين تصرف صح وتصرف غلط حتختار الصح إن شاء الله …

✅ مش لازم أعرف إيه اللي مضايقك لو مش عاوز تحكي .. بس أنا موجود وفي ضهرك .. وأي حاجة في الدنيا ليها حل ..

✅ مش عيب إني أغلط.. عيب إني ماعترفش وماصلحش غلطي ..

✅ متخافش من حاجة مهما حصل ..
✅ اتعلمت إيه من اللي حصل ⁉️🤔
✅ لو ده اتكرر تاني حتتصرف ازاي ⁉️
✅ أنا واثق في تفكيرك …

✅ كلنا بنغلط .. بس لازم نعرف ازاي نوقف الغلط ومش عيب أطلب مساعدة..

👌طيب بالله عليك… لو حد طول الوقت بيتكلم معاك بالصيغة دي حتحس جواك بإيه 😊 ⁉️
👌 طب وحتحس ناحية اللي بيقولك كده بإيه ⁉️
✋ 👌 لما يحصل حاجة أكيد حتروحله وتتكلم معاه وتثق فيه والا حتهرب منه و حتدور على حد بره يساعدك ⁉️

👌👈 معظم مشكلاتك مع المراهق .. رفضك لسمات المرحله نفسها .. وخوفك ..
ومحاولاتك إنك توقفها أو إنك تعديها بسرعة علشان نخلص …

✋ شئت أم أبيت المراهقة استقلال .. أسرار.. محاولات تمرد .. محاولاتك فرض سيطرة ورأي .. وأخطاء ❗️

✋ وحقيقي لو فكرت فيها بحيادية وبعقل حتلاقي إن كل دي صفات مهمة جداً مش حاجة وحشه نقاومها ..

👌👈 يعني لو عرفت تساعده يطورها في الطريق الصح حيطلع …

  • شخص ناضج …
    -مستقل له رأي مش تابع وبيمشي ورا كلام أي حد ..
  • عنده خصوصية وله حدود بيعرف يحميها محدش يتعداها معاه ..
  • شخص قيادي ..
  • صاحب قرار .. وحاجات كتير ..

✋👌👈 يعني مرحلة المراهقة مهمة جداً في تشكيل شخصية الإنسان..
👈 خليك معاها مش ضدها ..
👈 انت الكبير ومفاتيح ابنك المفروض كلها معاك ..
👈 المفروض تعرف ازاي تبني معاه مش تهده …

✋المراهقه جزء من نضجهم اقبلوووها وخدوا بأيدهم يطلعوا منها كسبانين✋

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق