مطبخ مملكتي

ميكس تشيز سكونز

مقدم من مطبخ فاتن صلاح

المكونات

150 جرام زبده طريه لا سايحه ولا جامده انا استعملت نيوزلاندى
2 مربع جبنه كيرى أو اى نوع مثلثات
60 جرام جبنه شيدر مبشوره
20_30 جرام جبنه رومى
ربع معلقه صغيره ملح
صفار بيضه
200_230 جرام دقيق حسب نوع الجبن و الزبده
صفار بيضه لدهن الوش

الطريقه بدون اى مضرب أو عجان

بحط الزبده و كل الأجبان و الملح سوا و اقلبهم مع بعض كويس جدا بمعلقه أو سباتيولا ولما يختلطو تماما بضيف صفار بيضه و اى توابل مجففه اختيارى ممكن زعتر أو كمون أو من غير عادى
بعدين بقلب و ابدا اضيف نص الدقيق الاول و لما يختلط بضيف تانى بالتدريج لحد ما تتكون عندى عجينه طريه نوعا ما بس مش سايبه ولا ملزقه

بلغها بلاستيك و اريحها فى الناتجه من نص ساعه لساعه و بعدين أفرادها بين ورقتين زبده و اقطع اى شكل عايزاه و ساعات يقطعها مستطيلات صغيره بالسكينه عادى جدا و ارص فى صاج الخبز

اضرب صفار البيضه التانى مع معلقه صغيره حليب و رشه ملح و فلفل اسود بالشوكه عادى و ادهن وش البسكوتات بفرشه من صفار البيضه
التزيين اختيارى ممكن اعمل خطوط بالشوكه بعد دهان الصفار كده او أرش سمسم و حبه البركه أو زعتر ممكن كمان جبنه مبشوره لو فيه أو اى مكسرات لو تحبو و ممكن رشه ملح بس حتى بحبها اوى بصراحه

يدخل فرن ساخن مسبقا على حراره 180 لحد ماياخد لون جميل كده هيختلف الوقت حسب انواع الجبن و حجم القطع بردو فلازم تتابعيه

ملاحظات الوصفه
_لازم زبده مينفعش سمنه ولا زيت

_اى انواع جبن عندك هتنفع بصراحه هى وصفه مناسبه لتفضيه التلاجه
المهم مجموع الجبن يكون فى حدود ال100_120 جرام المقدار ده

_الجبن الكريمة و الكوبايات هتحتاج دقيق اكتر طبعا علشان تلم و هتاخد وقت أطول فى الفرن لان بيكون فيها نسبه ميه عاليه

_الطعم الراقى بجد بيجى من الجبنه الشيدر المستورده ، لو عندك متستخسريش هتعرفى قيمه كلامى ده لما تدوقى ⁦⁦;-)⁩

_الجبن الحادقه اوى مبحطش معاها ملح فى الوصفه

_ اى عجين فى الدنيا لما بقطع منه مش يعجن الباقى ابدااااااااااا ، بلمه لم بايدى فقط بدون اى عجن و افرده تانى وأقطع منه علشان القوام و الشكل ميتلخبطش

 

 

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق