مطبخ مملكتي

مكرونة بالبشاميل والصلصة 

مقدم من مطبخ أم رودينا

 

 

مقادير البشاميل

 

5 م ك دقيق

لتر لبن

معلقتين قشطة

قطعة جبنة نستو اى نوع

م ك سمنة

ملح

رشة فلفل اسود

2 بيضة

 

التحضير

 

هنضع كل المكونات ما عدا السمنة دى بعد ما ندوبهم كويس فى حلة وبمضرب يدوى او فى الخلاط نضربهم لحد ما كل المكونات تختلط سوا ونضع السمنة و نولع على نار هادية مع التقليب فى اتجاة واحد لحد ما يتقل منك خالص ودى بقى تكاية منى علشان القطعة تطلع بحالها كدا زى الصوة تمام نغلى يعمل فقعات نعرف انو غلى نرفعة من على النار يبرد و البيض هنضعو واحنا هنقلب المكرونة

 

مقادير العصاج

 

نص كيلو لحمة مفروم

بصلتين كبار مقطعين

معلقتين سمنة

2حبهان

ورقة لورا

ربع م ص فلفل اسود

ملح

 

التحضير

 

نضع البصل والسمنة فى حلة ونضعهم على نار هادية مع التقليب من وقت لاخر لحد ما البصل يبقى شفاف ننزل باللحمة المفروم ونضع التوابل ما عدا الملح دة قرب السوا ونقلبهم كويس اعدى قلبى لحد ما اللحمة لونها يتغير وتهدى خالص ومن وقت لتانى تقلبى و تابعى السوا ولما تدخل فى السوا تحطى الملح وتقلبى وتقفلى عليها

 

مقادير الصلصة

 

عصير طماطم

معلقتين صلصة جاهزة

م ك سمنة

رشة فلفل اسود

رشة سكر

ملح

ولو متواجد مرقة دجاج نضع نصها

 

التحضير

 

نضع حلة على نار هادية ونضع السمنة تقدح ننزل بعصير الطماطم والصلصة والتوابل ونهدى النار لحد ما تتسبك

 

مقادير المكرونة

 

مكرونة قلم

نص م ص ملح

ماء مغلى

 

التحضير

 

نضع حلة بها ماء وملح تغلى ننزل بالمكرونة ونقلب شوية علشان المكرونة ماتعجنش منك تمام عشر دقايق وشوفى سوا المكرونة لو استوت افتحى الحنفية بعيد عن المصفاه اللى هتصفى فيها وتنزلى المكرونة فى مصفاة بلاستيك بدون ما تشطفيها خلاص كدا

 

نبدء بقا بتقليب المكرونة هناخد تلت تربع البشاميل نضعة على المكرونة بعد ما اتصفت تماما ونضع جزء من الصلصة ونقلبهم كويس نجيب صينية مناسبة وندهنها زيت ونضع نص المكرونة اللى قلبنها بالبشاميل ونضع اللحمة المعصجة وعليها باقى المكرونة ونروح ضربين البيض مع البشاميل كويس ونفرش البشاميل وعلية صلصة على الجزء العلوى من المكرونة ونسوى بمعلقة ونكون شغلنا الفرن وانا بنرص الصينية وندخلها على الرف الوسط درجة حرارة 200 ساعة الاربع فوق وتحت تهدء بسيط وقطعى وكلى احلى مكرونة الف هنا

الوسوم
اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق