قصص

مصممة مصريه تصنع تحفه فنية من الجلود

كتبت انجي ناصر

يبقي الحلم صغير وبالاصرار يتحول لشغل عظيم وذلك ما ابهرتنا بيه عبير وبشغلها الرائع مثل اللوحات الفنية الجميلة التي يقوم الرسام بتصميمها هذا ما انتجته الفنانه عبير في المشغولات الجلدية وافشت عبير عن سر نجاحها وهو الدعم الداخلي والخارجي ويتمثل الدعم الداخلي حبها وشغفها لمجال الجلود ودعمها الخارجي وذلك يتمثل في اسرتها الكريمة والذي لهم الفضل والشكر علي حياتها ونجاحها وذلك مايجب توافره في المجتمع وهو الدعم الإيجابي لمواهب العظيمة والتي لايجب اغفاله ابدا حتي يتولد امثال مثلا الفنانة المتألقة عبير عبدالله تابعو معانا عبير

أسمى عبير عبدالله بكالوريوس إدارة أعمال
وبشتغل مدرسة حاسب آلي
مش عشاق شغل الهاند ميد اشتغلت كوريشية وتريكو حتىالكنفاه والتطريز
يعنى معظم شغل الابره اشتغلته
اما حبي لمجال الجلود ف كان بدايته من ٢٠٠٢ ابتديت اشتغل ع نفسي من غير تدريب ولا كورسات كانت هوايه اجيب بواقي الجلد وعمل منه محافظ بناتي ورجالي وشجعني اخويا الله يرحمه واخواتى ربنا يخليهم ليا كنت بعملهم هدايه ليهم وبعدين لأصحابه وبعض المعارف وتغير المجال من هوايه وهدايا لطلب وبيع استمريت فتره مش كتير وفجأه صدمتني وفاة اخي اللي كان توائمي وابويا الثاني ووقفت فعلا شغل لانه كان عامل التشجيع الأساسي ليا…..
ومن سنه تقريبا ابتدي موضوع الجلود يشدني من تاني لاني بحبه جدا بس مش عارفه ارجع ازاى او ابتدى منين وازاي وف يوم بتصفح الفيس ظهر أمامي صفحه مشغولات جلديه وعجبتني اووووى المشغول آت المعروضه ومن خلال الصفحه عرفت انه مدرب للمشغولات الجلدية بس للاسف ف اسكندريه
وابتديت اتابع شغله وف يوم نزل اعلان عن بدء كورس للمبتدئين ف القاهرة
وكانت رسالة من ربناوشجعوني اخواتي وماما ربنا يخليهم ليا يارب و الحمدلله كلمتهم وابتديت معاهم كورس المبتدئين تقريبا ف شهر مارس ٢٠١٩ وفعلاً اتعلمت فيها أساسيات ومبادء شغل الجلدطبعاا حاجه غير اللي كنت اعرفه قبل كداوالحمدلله عملت من خلال كورس المبتدئين المحفظه والبورتفيه وأربع موديلات مختلفه للشنط( الكروس والباك والتوت وشنطه لاب توب) وبعده بدات كورس محترفين (دق وتقبيب وتوريق وتلوين وتعتيق وديجرادي) وبعد المحترفين استمريت مع نفس المدب المحترم المحترف جدااا اخد معاه كورس صناعة الشنط اخدت فيه ٦ موديلات غير الموديلات اللي كنا بطلبها وعمره متأخر علينا ابدااا….. وابتديت اجهز نفسي اني ادخل فعلايا مجال الجلود من عمل صفحتى الشخصية وابتديت أعرض عليها شغلى والحمدلله ابتديت الاقي استحسان وقبول ودا شجعني اني اكمل واشتغل وبعتبر نفسى لسا من المبتدئين وده كله بفضل ربنا ومن بعده مدربى واستاذي المحترم مستر اسلام محمود وزوجته اللي يعتبرها اخت ليا بجد.. واخواتى طبعااا وماما اللي شجعوني ودعموني بكتييييير ويعتبر او واغلى عملاء عندي واتمنى من ربنا انى استمر واكمل وشغلي يلاقي قبول وإعجاب كل الناس

رئيس قسم الهاند ميد رحاب الحلواني

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق