ثقافة وفن

مشاهير قتلهم الماسون

كتبت هبه عبداللطيف

شخصية النهارده هى أيقونة الأنوثة والإغراء في السينما الأمريكيه والعالميه ، ظروف موتها عملت جدل واسع جدا للغايه حتى النهارده مفيش حقيقة مسلم بيها رغم الشكوك الموجودة..
معانا النهارده (مارلين مونرو)
نورما جين مورتنسن اسمها عند الولاده نورماجين بايكر ،اتولدت في يونيو ١٩٢٦لوس أنجلوس ،ممثلة ،مغنيه أمريكيه كانت بدايتها مجال عروض الأزياء. لحد ما قابلها الثري الأمريكي هاورد هيوز وأقنعها توقع عقدها الأول مع شركة أفلام فوكس في أغسطس ١٩٤٩
بدأت في الخمسينات تبقى نجمة هوليود ورمز الاغراء فيها..أشهر ٱفلامها (الرجال يفضلون الشقراوات) ( سنة الحكة السابعه) اترشحت لجايزة غولدن جلوب عام ١٩٦٠
مارلين اتولدت لأم اسمها غلاديس بيرل وكانت متزوجة من جون نيون بايكر وده الاسم اللي اخذته مارلين رغم انه مش أبوها الحقيقي ، كان لها اخوات من الاب ده اسمهم روبرت كيرميت ،وبيرنيس انيز غلاديس. روبرت كان توفى في سن ال ١٦
مارلين مكنتش تعرف ان لها اخوات الا مؤخرا بعد ما كبرت ،لانها مكنتش عايشة مع امها.دي كانت عايشة في اسر تبع مؤسسات عشان كده مكنش فيه علاقة بينها وبين أمها واللي عرفتها بعد ما كبرت فعلا..
امها كانت تعرضت لمرض عصبي خلاها تبقى نزيلة داخلية في مستشفى نفسي
سنة ١٩٤١ كانت اتعرفت على جارها جيم دوجيرتي الضابط واللي كان بيعمل في مصنع طائرات بدون قائد. عشان الظباط والعساكر يلتقطوا لها صور وتنتشر بسرعه جدا ،لدرجة ان مجلة طلبتها تعمل اعلان لملابس سباحه وفعلا دي كانت البداية لها ، عشان بعدها تنشر صورتها عارية على تقويم ميلادي ومن هنا تتحول لمادة ثرية للاستثمار وده بعد ما صبغت شعرها اشقر ورسمت حسنتها الشهيرة.. وانطلقت من هنا نجمة الاغراء
مارلين كانت تزوجت اربع زيجات تقريبا.. بداية من جيم الضابط وبعدها لاعب البيسبول جو ديماجو ،والكاتب ارثر ميلر ويقال انها تزوجت سرا من النجم بوب زلاتزر
مارلين لم تنجب وتعرضت لمرتين اجهاض بالفعل عشان تنسى بعدها حلم الامومة..

يوم ٥أغسطس ١٩٦٢ تم العثور على مارلين مونرو في منزل هيلينا دريف بلوس انجلوس ، عارية تماما في فراشها
وكان بجوارها بعض الحبوب المنومه مبعثرة بطريقة عشوائيه
وقتها اتقال انها انتحرت ،وظل موتها لغز يشوبة الشكوك لحد النهارده
من كام سنه طلع شخص اسمه (نورمان هودجز) ضابط متقاعد من الاستخبارات الامريكيه ال CIA اعترف إنه قتل مارلين مونرو بأمر من الادارة وأنه نفذ حوالي ٧٣ عملية اغتيال لعلماء و فنانين كانوا بيشكلوا خطر على مصالح أمريكا. وأن مديره جيمي هايورث هو اللي كلفه بقتلها عشان يمنعوها من فضح عيلة كينيدي واللي كانت على علاقة بالرئيس جون كيندي وأخوه بوبي في نفس الوقت ،ده غير علاقتها بفيدل كاسترو رئيس كوبا واللي كان وقتها خصم لدود لأمريكا..
فيه رأي تاني طلع وكان لاتنين صحفيين اسمهم مارجوليس وريتشارد سكن كتبوا ان مارلين كانت بمثابة صداع في رأس عيلة كينيدي وأكدوا انهم السبب في قتلها هم والاستخبارات الامريكيه عشان يأكدوا الشائعات.. لكن مين اللي بيوجه الاستخبارات الأمريكيه لعمليات الاغتيال دي واللي مفيش عقاب او محاكمة عادلة بتتم ؟!

طلع شخص كان ضمن فريق المسعفين اسمه جيمس سي قال.. انه شاف الطبيب النفسي لمارلين موجود معها وحقنها بحقنة Pentobarbital غير المخففه واللي ادت لمقتلها على الفور
بردو الطبيب الشخصي اسمه تورط زي طبيب مايكل جاكسون تفتكروا ده صدفه بردو ؟؟!


مارلين اكتشفت إن تم دفعها في طريق جون كينيدى وكان فيه مؤامرة بتتم عن طريقها ،ربما اكتشفت انها أصبحت وسيلة ضغط غير مباشرة على جون وقتها او هيتم استغلال علاقتهم ، بعدها تورطت في علاقة مع أخوه ،ويقال انها كانت على علاقة ب الاتنين في نفس الوقت وده كان ضربة قوية لعيلة كينيدي
مارلين لما اكتشفت المؤامرة الاولى بعد تورطها مع بوبي اخو الرئيس الامريكي ،قالت انها هتكتب كل اللي تعرفه في مفكرة حمراء .. هنا بقى كان لازم توقيفها للابد وده اللي حصل
لٱن المسعف قال انه لما وصل لغرفة مارلين لقى الطبيب النفسي بتاعها رالف غرينسون وأخو الرئيس غير الشقيق الفنان بيتر لوفورد كان بيبحث عن شيء في غرفتها..
علاقة مونرو المشبوهه بفيدل كاسترو كمان كانت مصدر قلق لمصالح أمريكا والماسون اللي بيتحكموا في أجهزة امنيه بعينها
صدر الامر باغتيال مونرو فعلا ،لكن هل الفاعل الطبيب أم القاتل المحترف الضابط المتقاعد ؟؟!!
رغم تضارب الاقوال دي لكن اعتراف ضابط الاستخبارات لا يمكن اهماله ابدا لأنه مش أول إعتراف بده..فاكرين بوب مارلي واعتراف قاتله واللي كان بردو استخبارات.. بصراحه اللي متأكده منه انه تم تصفيتها بطريقة تبان انها انتحرت زي بردو حادثة سعاد حسني واللي مش منطقي أبدا اللي حصل يقول انتحار
اختلفت الشخصية واختلفت الطريقة لكن في النهايه فيه ضحايا لأجهزة ومنظمات سرية سواء صدقت أو لا وديما بقول ان الشك أول الخطوة لمعرفة الحقيقة
الصور فيها قاتل مونرو ضابط الاستخبارات ،وفيها شهادة ميلادها ،وصورة لجثتها

#مشاهير_قتلهم_الماسون
#مارلين_مونرو
#هبه_عبد_اللطيف

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق