ثقافة وفن

مشاهير قتلهم الماسون ملك البوب مايكل جاكسون

بقلم هبة عبد اللطيف

هنكمل مع بعض مقالاتنا عن الشخصيات المشهوره اللي فيه شك بتورط الماسون بقتلها
النهارده شخصيتنا أثارت الجدل اثناء حياته وحتى بعد وفاته.انه الأسطوره ،ملك البوب
(مايكل جاكسون) ***”””
مايكل جوزيف جاكسون المولود في ٢٩أغسطس ١٩٥٨ ،مغني ،مممثل ،راقص،منتج ،مؤلف أغاني ،رجل أعمال
اتولد مايكل في أسره مكونة من ٩أطفال كان ترتيبه بينهم السابع. بدء مشواره في سن ست سنوات تقريبا مع اخواته الاكبر وده كان سنة ١٩٦٣ عشان يبتدي نجمه يلمع في عالم الموسيقى ، ورحلة نجاح بدايتها فريق جاكسون فايف اللي أسسه اخواته الذكور الأربعه جاكي ،تيتو ،جيرماين ،مارلون جاكسون
بعدها تحول للغناء الفردي مع شركة موتاون ١٩٧١ وهنا بدايات النجوميه وإنه يكون أول مغني افريقي الاصل تظهر فيديوهات اغانيه على قناة mtv
كانت البوماته الأكثر مبيعا في العالم كله.حقق البوم ثريلر لوحده اكثر مبيعات في التاريخ وقتها تخطت ال ٦٥مليون نسخه في جميع أنحاء العالم
مايكل من النجوم القلائل اللي قدموا استعراضاتهم في الصالة الفخرية للروك آند رول ،وقاعة مشاهير كتاب الأغاني
يعتبر مايكل من اعظم وأشهر الشخصيات في أمريكا واللي حصل على عدد مهول من الجوايز
طبعا شخص بنجوميته ونجاحه اكيد هيكون مكسب لأي انتماء أو منظمه ومن هنا بدء الماسون في ارسال دعوات ليه وأغلبها عن طريق أصحابه اليهود.وبالفعل مايكل راح اسرائيل وعمل حفله فعلا واتصاحب عليه مشاهير اليهود وده كان سنة ٢٠٠٥ لكن فشلوا في السيطره عليه للمره التانيه.وفي السنه دي ظهر تسريب لتسجيل صوتي بين مايكل ومدير أعماله بيقول (انهم مثل السلعه جعلوني أشهر شخص في العالم ، محاط بالسيارات والبيوت لكن حقيقة أنا مفلس ،اليهود يفعلون ذلك عن عمد انها مؤامره). هل الكلام ده اشاره ان مايكل جاكسون كان من صنع الماسون وتمرد عليهم ؟؟ ربما يكون ده صح
قال في احد لقائاته الصحفيه **
(الامر كله عباره عن مؤامره ويجب عليكم أن تعرفوا هذا ،في اللحظة التي كنت فيها صاحب أفضل مبيعات في العالم قاموا هم بوصفي بالمهووس.قالوا عني متحرش بالأطفال.قالوا انني قمت بتبيض لقد فعلوا كل شيء لاثارة العالم ضدي

مايكل كان أسود من أصل افريقي فجأه تحول لون بشرته أبيض زي الاوروبين وطلعت الاخبار انه بيعمل عمليات تجميل لأنه بيشمئز من لونه ،لكن الحقيقه المؤلمه كانت انه اصيب بنوع من مرض البهاق يكاد يكون نادر بيتحول بسرعه ويأثر على لون البشره مايكل اعترف بده في لقاء مع اوبرا وينفري وقال انه أصيب بالبهاق والذئبة الحماميه.عشان كده كان لازم يلجأ لتوحيد لون بشرته والعمليات وكان بيخفي ده بالمكياج دايما
اتخذت العداوه بين مايكل والماسون وجه اخر ظهر في اغانيه لما كان بيقول انهم فاسدين وبكل وضوح ظهر ده في رسايل عن طريق الاغاني
عشان كده ابتدت الحرب بالقضايا الجنائيه وتشويه السمعه واظهاره بالشاذ المعتدي على الاطفال ،والبدايه كانت في سنة ٢٠٠٣ لما تم تفتيش مزرعته نيفرلاند بقوة ٦٠جندي فيدرالي وخلال التفتيش وجدوا مجلات اباحيه ،لكن الغريب مفيش عليها بصمات مايكل. بردو وجدوا مواقع اباحيه.واكتشفوا ان مايكل مدخلش المواقع دي طول وجوده في المزرعه
طبعا مجلة بلاي بوي معروف مين صاحبها..(يهودي ماسوني) عادي جدا
استمرت محاكمة مايكل فترة كبيرة تعرض خلالها لضغوط نفسيه لاتحتمل. كانوا بينعتوه بمهووس الاطفال لكن بعد فترة من التحقيقات اكتشفوا انه بريء وكل ده اساليب للتشويه والمساومه..
مايكل بعد عن المزرعه بتاعته وقرر يسافر لدولة البحرين بالخليج.وهناك تعمق وقرب من مسلمين كتير وده كان ٢٠٠٥
بدء اخوه جيرماين جاكسون واللي سبقه لاعتناق الاسلام ينصحه بأنه يقرأ عن الاسلام لانه الدين اللي فيه راحه وسبيل خلاص له.فعلا مايكل عمل كده وعمل كمان اغنيه عن الاسلام واستبدل فريق حرسه كله لحرس مسلمين
دي كانت القشه اللي قسمت ظهر البعير فعلا لانه في ٢٠٠٩ مايكل اقتنع جدا بفكرة الدين الاسلامي ويقال انه جهز حفل كبير و هيكون حفل عالمي عشان يعلن فيه للعالم شيء مهم جدا.ناس كتير توقعت انه خبر اسلامه لكن محدش يعرف فعلا هل اعتنق الاسلام قبل موته او لا
هنا بقى مايكل قال صراحة ان المتنوىين هيقتلوني ،حتى اخته لاتويا جاكسون قالت في برنامج لما سألها المذيع مايكل انتحر ام قتل
ردت وقالت اتقتل.مايكل كان بيقول لي سيقتلوني
المذيع قال..يعني فيه اشخاص متورطين ؟؟
قالت..ايوة فيه اشخاص يديرون الاحداث في الخفاء

قبل وفاته وفي سنة ٢٠٠٥ تعرض مايكل لمحاولة تسميمه زي ما قال لصديقه ديك جريجوري
والد مايكل لما لقاه في حالة صحية سيئة اتصل بصاحبه واللي جاله بسرعه عشان يلاقي مايكل في حالة ضعف وهزال فظيع
سأله..انت مكلتش ولا شربت من امته
رد مايكل..انهم يحاولون تسميمي عن طريق الاكل!!!
صاحبه اخده مستشفى صغيره جدا وهناك تم انقاذه واعطائه سوايل لمدة ٢٤ساعه لانه كان اوشك على الموت
ده كان في يونيو ٢٠٠٥.وفاته بقى كانت نفس التاريخ يونيو ٢٠٠٩ ها التاريخ كده مش عملك شك ؟؟
اكيد لان المتنورين بيتفذوا الاغتيالات في تواريخ محدده جدا
مايكل توفي وقالوا انها جرعة زايدة من عقار البروبوفول المسكن للآلام وده بأمر من طبيبه الخاص كونراد موراي واللي اتسجن سنتين في تهمة قتل غير عمد
الشكوك كلها اتوجهت للطبيب خاصة ان جسم مايكل كان فيه كدمات قبل موته
بنت مايكل باريس جاكسون قالت ان والدها اتقتل عشان فضح الماسون وبدأت تنزل صور كرسايل للماسون على تويتر
لكن بعدها بفتره قالوا انها تعرضت لمحاولة انتحار ،لكن المسعفين قالوا وقت اسعافها كانت بتقول لا اريد الموت!! المنتحر مش بيكون باقي على الحياة
هنا طلعت اخبار انها اتعرضت لمحاولة قتل فعلا
اخو مايكل.جيرماين جاكسون قال.كانوا يريدون القضاء عليه وتشويه سمعته كانوا لا يريدون له ان يستمر.لقد حدثت مايكل عن الاسلام
جيرماين اصلا مسلم اعتنق الاسلام وكان بيكلم مايكل عن ان الدين ده فيه كل حلول لمشاكله النفسيه ، تخيل بقى ان مايكل كان عمل الحفل العالمي واعلن اسلامه.ده كان وقعه ايه على الماسون
ملك البوب بملايين المعجبين يعمل ده.طبعا كان لازم التخلص منه وبسرعه
في النهايه لا استبعد قيام الماسون بقتله ،.الشك ممكن يكون بداية الوصول للحقيقه
لسه فيه مشاهير كتير موتهم فيه شبهة تورط الماسون المتنورين

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق