مطبخ مملكتي

محشي مشكل

مقدم من مطبخ أم رودينا

 

مقدم من مطبخ أم رودينا

مدة التحضير ساعه

مدة الطهي ٥٠دقيقه

المكونات

كرنب حسب الحجم

ورق عنب بناتى (بيكون ناعم وخفيف اما الفيومى بتبقى الورقة ناشفة وتقيل)

بتنجان عروس رفيع ينفع حشو

كوسة رفيعة للحشو

فلفل رومى صغير

بصلتين كبار

صلصة طماطم

معجون طماطم ان وجد

خضرة(بقدونس+شبت+كزبرة)

توايل(ملح+فلفل أسود+كمون+حبهان بودر+بصل بودر+زنجبيل بودر+زعتر جاف+بابريكا+كزبرة ناسفة+نعناع جاف+شطة حسب الرغبة)

زيت

شوربة فراخ او اى نوع وجد

ليمون

 

التحضير

 

1.نضع حلة بها ماء ساخن ونضع ملح وكمون ونعصر ليمون ونقطع الكرنب ونضع فى الماء المغلى ونختبر السوا بس اوعى يتهرى منك ويطلع فى مصفة ونشطف بماء تحت الحنفية لحد ما نخلص الكمية ونقطع قطع صغيرة على أد الحشو.

 

2.نقطع عنقود ورق العنب ونزلو فى نفس ماء سلق الكرنب ونطلع على طول نشطفة ونبدء نرص فى طبق فوق بعض.

 

3.على نار هادية نضع البصل المقطع فى الزيت يتحمر لحد ما يوصل للون دهبى فاتح ننزل بالصلصة ونتبل لحد ما يتسبك.

 

4. نبدء بتقوير الكوسة تقوير خفيف يعنى نطلع القلب بس ما تخليها رقيقة وكذلك البتنجان اما الفلفل فا انتى بتشيلى العنق وتخرجى منو البذر بس تكون فتحة صغيرة نغسل البتنجان من الداخل والخارج ونضع فى مصفة وكذلك الكوسة والفلفل.

 

5.نبدء بتنظيف الخضرة من اى ورقة صفرا او اعشاب مختلفة عنها ونقطع الخضرة ونغسلها ونصفيها او العكس.

 

6.نقى الرز كويس واغسيلية كويس جدا وصفية.

 

7.نحضر طبق عميق ونضع كلا من الرز والخضرة والصلصة والتوابل مع مراعاه الملح خدى بالك نبدء نحشة الاول البتنجان والكوسة والفلفل وقبل حشو الكوسة نضع رشة من الملح والفلفل الاسود بداخلها لمعادلة الطعم.

 

8. نحشى الكرنب بعد كدة ورق العنب لانو بياخد وقت.

 

9.نولع على الشوربة تغلى ودوقى الملح واسقى البتنجان والكوسة والفلفل مش بنسقى ماية كتير لانهم بيستو بسرعة اما الورق فا احنا بنسقى حوالين الورق بس وتغطى الحلل بالغطا علشان يغلى اول ما يبتدى يتشرب تهدى علية علشان ما يشيت منك وتابعى السوا انا بحب احط معلقة صلصة من التسبيكة على الوش بيبقى حلو وورق العنب لو عندك العنوق روصيها فى ارضية الحلة و اعصرى ليمون وورق الكرنب التخين افرشى فى الارضية قبل الحشو وباقى الحلل ودى طريقتى و ألف هنا

الوسوم
اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق