فن ومشاهير

مبدعة الهاند ميد”هبه حداد”: “نفسى الحكومة تتولى الدعاية للحرفيين بكل طوائفهم الهاندميد المصرى والمنتج المحلى محتاج دعم عشان يصل للمصريين وللعالم”

كتبت_آية عفت

 

لقاء مجلة مملكتي مع مجموعة من سيدات الأعمال المتميزين بصناعة الهاند ميد خلال احتفالنا بالعيد الرابع لمجلة مملكتي.

تعشق الفن والنحت وبالرغم من دخولها في مجال الصيدلية، إلا أنها، دخلت وعشقت مجال الهاند ميد وابدعت فيها أيضا، نحن الآن أمام الدكتورة هبه حداد، نموذج ناجح جدا لأي سيدة مصرية، قصة نجاح ومشوار الدكتورة هبه حداد، وحوارنا معاها كالاتي:

فكرة ان حضرتك تتعلمي الهاند ميد كانت موجودة عندك من زمان ولا لا ،واكتشفي امتي انك حابه تتعلمية؟
لأ…ما كانتش موجودة اوى
بس انا بحب كل حاجة تخص الفن والنحت …كانت النحت ع الخشب بالذات يبهرني.. ويشدنى
حبيت اتعلم الجلد من سنة 2015
كنت ماشية فى ش المعز وشفت شنط جلد هاند ميد عجبتنى
بدأت افتح فيديوهات تعليمية تخص الجلد

-حضرتك شايفه ان الفيديوهات الي ع الانترنت ممكن تعلم حد مبتدا في مجال الهاند ميد ؟
انا اتعلمت منها 90% او اكتر كمان، اتعلمت الدق والتقبيب من الفيديوهات فقط.

-مين اول شخص وقف جنب حضرتك لما قررتي انك تتعامل الهاند ميد و تحققي نجاح في مجال ده ؟
زوجى واولادى…استحملونى و استحملوا انشغالى فى عز امتحاناتهم السنة اللى فاتت

-حضرتك خريجة أي ؟
بكالوريوس صيدلة

-لما قررتي تتعلمي وتنجحي في حاجه غير صيدلية في حد اعترض ده من المقربين لحضرتك او قالك مثلا خلاص انتي حققتي نجاح ف حاجه معينه؟
اه فى ناس قالوا لى انتى مش فاضية للكلام ده، بس ما حطيتش كلامهم فى دماغى

-شغل الهاند ميد حفزك اكتر انك تتعلميه؟
اه طبعا..هو مرهق جدا بس فى الاخر بتحسى بفرحة رهيبة لما تخلصى حاجة مختلفة.

-حضرتك عرفتي المبادرة منين ؟
بالصدفة …كنت بتكلم مع مها دعدور..وقالت لى عنها،
انتظرناهم فى المنصورة، ومها عرفت عنها عن طريق النت طبعا.

-ايه اصعب حاجه حضرتك واجهتيها ؟
عقلية المصريين اللى مش مقدرة الهاندميد، الهاندميد مالوش سوق فى مصر، الناس بتفضل شغل المصانع.

-اي اول حاجه حضرتك عملتيها بايدك ؟
شنطة

-تصاميم الشنط نفسها حضرتك بتلاقي سهولة انك تلاقي تصميم وتنفيذية ؟
ممكن الاقى رسمة حلوة..وافضل كم اسبوع لحد ما اتوصل باترون شنطة يليق بالرسمة…او العكس…الموضوع بيحتاج تأنى عشان اطلع حاجة مش شبه اى منتج تانى.

– الشنط ليها باترون زي التفصيل بالضبط؟
الحمد لله بفضل الله…ماكنتش مصدقة انبهارهم بالحاجة

-طيب من خبرة حضرتك في مجال ده ، اي المعايير الي تتوافر في شخص ده علشان يتعلم الهاند ميد، ولا اي حد ممكن يتعلم الهاند ميد ؟
لازم يكون عنده شغف بالحاجة اللى هيعملها…إذا الشغف ده مش موجود مش هيطلع شغل حلو…وده انا لمسته مع الناس اللى علمتهم الحرفة دى…السيدة اللى عايزة تتعلم بكل جوارحها بتطلع شغل حلو جدا ..لكن السيدة اللى داخلة تتعلم وخلاص مش بتطلع حاجة.
الشغف أهم معيار للتعليم

-طيب لو حد حابب يبدأ يتعلم تنصحيها يبدأ بآية فيديوهات الي ع الانترنت ولا يدور ع كورس؟
لو عايز يتعلم بسرعة يبقى كورس وبعدها يصقل موهبته بالفيديوهات…انا فضلت اتفرج ع فيديوهات ييجى سنه ونص قبل ما اشتري الادوات وابدأ شغل

-الي حابب يوصل لحضرتك يوصلك عن طريق اي؟
الصفحة بتاعتى
Heba Haddad One piece

-حضرتك قولتي ان اكتر مشكلة بتواجهك التسويق صح؟
اه التسويق مشكلة جامدة جدا، وانا مكنتش عارفة الأدوات بتتباع فين..بس عرفت عن طريق صفحة رحيمة
كانت عاملة اعلان للناس اللى بتبيع ادوات الجلود…بس بالرغم من ده بعت نص شغلي.

-التسويق دلوقتي عن زمان اختلف ، دلوقتي البيع على فيسبوك بقي اسهل بكتير عن زمان؟
التسويق مشكلة فى حد ذاته
وان ثقافة الهاندميد مش منتشرة اوى عندنا

-تنصحي باي الناس الي نفسها تحقق حلمها بس مش عارفه او في ناس بتحبها؟
ما تسمعش كلام الناس المحبط…جاهد وعافر لحد ماتوصل لحلمك
وما نيل المطالب بالتمنى
ولكن تؤخذ الدنيا غلابا
فعلا..الحلم عايز معافرة ومكابدة..وربنا يوفق المجتهدين

-نفسك تحقق أي بعد كده؟
نفسى بس الحكومة تتولى الدعاية للحرفيين بكل طوائفهم
الهاندميد المصرى والمنتج المحلى محتاج دعم عشان يصل للمصريين وللعالم…الدولة بس هى اللى تقدر ترفعنا وترفع المهن الحرفية وتمنع استيراد المنتج الصينى …

-اقتراحاتك لتطوير فكرة الوعي عند الناس؟
مؤسسة تتولى الموضوع ده..من حيث توفير القروض بفائدة بسيطة…والدعاية للمنتجات المحلية ..وتوزيع المنتجات داخل محافظات مصر … والتصدير للخارج كمان
ونوقف استيراد المنتجات اللى المصريين يصنعوها…زى الموبيليا الخشبية والجلود والملابس….الخ

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى