ثقافة وفن

ماتجرحيش

كلمات اسلام عامر

ماتجرحيش
اكتر من كده
ماتجرحيش

لو كنتي لسه
باقية عليا
وقلبك من غيري
مش قادر يعيش
ماتجرحيش

لو لسه قلبك يهمه
فرحتي معاكي
وتهمه احزاني
ماتجرحيش

لو لسه حلمك معايا
بتتمني تحققيه

لو لسه شوقك
بيجري عليا
وغصب عنك
كنتي بتمنعيه

ماتجرحيش

لو دمع عيني
بإيديكي
ناوية تمسحيه

لو كنتي قادرة
تصوني قلبي
وتبيعي كل الدنيا
وتشتريه

ماتجرحيش
اكتر من كده
ماتجرحيش

فاكرك وحاسك
وعاشقك قلبي
بيدق اسمك
وتنادي عليكي
انفاسي

فاكر كل مكان
كان بيجمعنا
وعمري
ماكنت ليكي
ناسي ، قاسي

فاكر الليل
والنجوم ، القمر

فاكر
الحيرة ، الغيرة
وصمتك ، كلامك
ف السهر

فاكر البحر
اللي رمينا
فيه اوجاعنا

فاكر كل لحظة
قولنا فيها
كلمة واحدة
بمليون معنى

ماتجرحيش
اكتر من كده
ماتجرحيش

وحشاني كتير أوى
ضحكتك
جرحاني كتير أوى
دمعتك

عابر سبيل ماشي
وعارف
طريقك وسكتك

تهون الدنيا عليا
واشوف ف عينيكي
فرحتك
ماتجرحيش
اكتر من كده
ماتجرحيش
كلمات / إسلام عامر

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق