مقالات

لهفةالبدايات والكلام المعسول

بقلم: آية محمد الشيخ 💕
بعد التحية والسلام والورود والهيام…
كلام معسول.. كلام معذول من أى أهات ولا أوجاع. ويبدأ من هنا الكلام المعسول& أنا معجب بيكى من زمان ودورت عليكى فى كل مكان.. لأنك بجد عسل جداااا من زمان 💕
هى: ميرسى كتير ده من ذوق حضرتك.
معلش عطلتك يالا عشان تنام.. لالالالا انا عدو النوم كفايا عليا انى بتكلم معاكى 🙏.
ومن هنا يبدأ القلب يرق ويهيم فى الغرام وبداية لأروع كلام 😏…
بدأ يدخل حياتها ويهتم بكل تفاصيلها وطلب رقم تليفونها بحجة انه مهتم بأعمالها 👌 هى لا تبالى وعايشة بإنشغالها..
بدأ يهتم أكتر ويرسل أحلى تماسى ووردوش الورد 💐..
هى حبت اهتمامه وأنه معوض حاجات كتير مفتقداها بس خايفه تهتم وينشغل اهتمامها ويضيع زى ماضاع كل شئ جميل.. هى خايفه من فقدانه وعوزاه معاها للأبد عوزاه معاها بعلاقة جديدة كلها حب من القلب حب بعيد عن الزيف والخداع بعيد عن شتى العلاقات لانها حست فيه باباها اللى اتحرمت منه حست فيه الأخ الكبير والصاحب الشهم والحبيب خايفه تخسره لو شو ماكان🤚.

بدأت تحن 💕 بدأت تشتاق💓 بدأت تهتم وبدأ الغرام ❤.
ومن هنا؛ بدأت هى كمان بأحلى كلام ( الكلام المعسول).
بدأ معاها انى حاسس اننا عشرة سنين وأن الأرواح جنود مجندة من تعارف منها ائتلف ومن تنافر عنها اختلف… ومن هنا بدأ أهم شئ فى الحياة وهو (الإحتواء) بكل مايحمله من معنى 💝. وعشان هى مفتقداه ومحتجاه بشدة.. غصب عنها انجذبت.. غصب عنها حبت غصب عنها مالت غصب عنها وبعيد عن ارادتها حنت وحبت 😔. بدأت تسمع وتشوف وتحس وتسمع انهاااا الحيااااااااة. بدأت من الأول تانى معاه.. بدأت تشوف تانى الحياة… بدأ اهتمامه يزيد أكتر ويرسل أغانى بمشاعر أكتر اقلها شغفا (وحشتينى عدد نجوم السما وحشتينى عدد كلام الهوى) وهى فى قمة سعادتها 💝والقلب طاير من الفرحه. وهو بالوعود نازل وهى حاسة انها اتولدت من جديد..
وتسمع أجمل عبارات متيمة بالعوض الجميل… بدأ يقولها هو كمان أن ربنا عوضه بيها بعد سنين حرمان ووعد منى أهنيكى وأعيشك فى شوق وغرام 💕.
انتى أجمل حاجه اتولدت جوابا وكبرت مع الأيام.. نفسى النفس اللى خارج منك استنشقه أنا ويدخل جوه صدرى ويبقى الهوا اللى انا بتنفسه هو هواكى 💓 هو السبب انى اعيش 💕.
هى طايرة من الفرحة وتسأله انت بجد بتحبنى للدرجة دى.. حقيقى أنت العوض الجميل ليااا. هو: بجد حبيبتى انا بحبك حيااااة مش موووت لأن حبك بالنسبالى حياااااااه.
وبدأت هى تميل أكتر وهو فى الغرام متيم ويصبح بأحلى كلام وورود “وردوش الورد” 💐 وهى ترد تسلملى حبيبى وتسلملى حياتى ويسلم قلبك.. وتبدأ الوعود! وحياتك عندى ماهتشوفى غير الحلو كله.. صدقينى مبتفارقيش احلامى.

هى: اوصفنى 😊
هو: مقدرش مهما قولت هكون مقصر بس بجد انا بعشقاااا💕ك.
بدأ يبعتلها صور تعبر عن مدى حبهم زى الشمعتين البيضاا والسمراا😔؛
الصورة دى بتتكلم عنى وعنك.. عارفة ازاى؟؟؟
هى: لا عرفنى! الشمعه المطفية الحزينة دى انا.. ووجودك جمبى هو اللى هينورها ويرجعها سعيدة ومضيئة 👍 اما الشمعة المطفية دى انا وانتى بعيدة عنى “ميت ” ولما قربتى منى رجعتينى للحياة 💕. هى؛ قلبها رق.. حبت بجد.. بدأت تشتاق.. بدأت تدوب فى بحر الغرام..
_هو: حبى ليكى حاجه مش موجوده فى الوجود.. حب اتخلق بس ليكى، انا المفروض يسمونى مجنونك 😊 عارفه حبى ليكى ملوش نهاية حتى لو مت وقلبى 💔 وقف هتفضل روحى تحبك 🔥والروح خالدة مش بتموت.. صدقينى حبيبتى حبك ملوش نهاية.. افهمينى، حقيقى اتولدت من جديد على ايديكى وعمرى هحسبه معاكى بالدقايق والثوانى ومش عاوز أضيع لحظه من عمرى فى غير حبك 💕.. حبك انتى وبس.. انتى ساكنة جوايا.. روحى هتفضل عشقاااا💕كى.
كل حاجه فيا بتحبك.. عارفه بحسك زى العصفورة وقلبى هو العش اللى بيحميها وتنام جواه. 💖. ويبدأ بإهداء الاغانى المليئة بالغرام زى “احبك جدااا” وأعرف ان الطريق الى المستحيل طويل وأعرف انك ست النساء وليس لدى بديل…..
وغيرها “نصيبى أعيش عشانك” “ملك ايديك.. أسهر ليك” وكلاااااام كتير معسووووووول!!
لحد اول نكاف بينهم ويظهر البعد والتخلى والأحلام الوردية تبدأ فى الانهيار😔.. ويبدأ العناد يقوى القلب وتبدأ حملة الأهات والأوجاع 🤚😔 وانهيار القلب 💔 ونزيف الدمع وانهيارها كإنسانة لها كيانها حبت بكل مشاعرها 😢…. 💔 تبدأ بالتنازل وتعتذر مرة تلو الاخرى حتى ان يقسوا القلب شيئا فشيئا.. وبعد رحلة الغرام تبدأ رحلة العذاب 💔 وانهيار القلب والجسمان 😢 وتبدأ اغانى العتاب وزعل القلب اللى ملوش 💊دواا وبعد كل هذا وذاك تبدأ تضعف وترسل بحجة انهم اخوات لانها مش هتقدر على البعاد وانها محتجاه فى حياتها بأى شكل.. محتاجه وجوده محتاجه تحس بأهتمامه تانى زى ماكان واعدها ان عمره ماهيقل وزى ماقلها ان مش مشكله نتكلم حب المهم اننا نفضل نتكلم 💔 بدأ يجرح فيها أكتر وان الافضل البعاد بدون تعامل وهى تنظر للرسائل والقلب ينزف دم… وطلبت منه تشوفه ولو لأخر مرة وهو يعتذر ويرفض ويقسوا ويوجع القلب اكتر واكتر لحد ماشافها بدأت تنهار رجعلها وعلاقتهم رجعت اقوى لما اعترفت بوجع قلبها فى بعاده وقد ايه البعاد صعب عليها.. وبعد أيام قليله يبدأ نفس النكاف على نفس المشكله وهى اللى ترجع وتعتذر عشان بس تطمن قلبها اللى بينزف 💔😢 لحد ماالقلب بدأ يقسوا ويتجاهل مرة تلو الاخرى ويبدأ يشغل نفسه بالتخلى شيئا فشيئا حتى انتهت لهفة البدايات وانتهى الكلام المعسول 😔 وتبقى الجملة الوفية والمريحة لقلوبنا هى ” مافى اجمل من لهفة البدايات ”
تحياتى 💕
آية محمد الشيخ 💋

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق