مطبخ مملكتي

كيكه التوفى

مقدم من مطبخ توتا مراد كتبت /آية عفت

مدة الطهي / ١٥ دقيقة

-المقادير :

1 كوب لبن بودره محمص( يعنى هتجيبي اللبن وتحطيه فى طاسه وعلى نار وسط تفضلي تقلبي في لمده 15 دقيقه لحد ماتلاقي لونه بقي دهبي زى رمله البحر كده هتقفلي وسبيه يهدا 10 دقايق)
1 كوب دقيق منخول
1 معلقه ك بيكنج بودر او كيك شيف
2 بيضه كبيره وتكون بدرجه الغرفه
كوب الا ربع زيت عباد شمس
نص كوب ميه فاتره
نص كوب سكر
معلقه ك فانيلا سايله او نص معلقه ص فانيلا بودره

-الطريقه:

هنقلب البيكنج والدقيق واللبن المحمص ونركنهم على جنب
نضرب فى الخلاط البيض والميه والسكر والزيت والفانيلا لمده 5 دقايق بعد كده ننزلهم على المواد الجافه ونقلبهم كويس ونصب الخليط فى صاج مقاس ٣٠ فى ٤٠ وندهنه زيت فقط وندخله فرن 180 لمده ١٥ دقيقه

خلصنا الكيكه نستنى بقي تبرد خالص ونقطعها مربعات ونجهز الكريمه والصوص

هنجيب علبه حليب مكثف ونشيل الورقه ال عليها ونحط العلبه مقفوله فى حله ونصب ميه مغليه لحد ماتغطي العلبه ونشغل النار ونستنى تغلى كويس ونهدى النار خالص لمده ٤ ساعات وكل لما الميه تقل نزودها بميه سخنه وبعد كده نقفل النار ونطلع العلبه ونستنى تبرد خالص ونفتحها هتلاقي الحليب المكثف بقي مربي الحليب نسييها تبرد خالص …..

نحضر الحشو بقي

فى بوله العجان هنحط كوب كريمه لباني ومعاه ٣ معالق ك من الصوص ال عملناه فوق ونزود كمان ٣ معالق ك كريم شانتي خام ونضربهم كويس جدا لحد مايكون عندنا كريمه ناعمه نزين بيها بقي الكيك ال قطعناه ونقطع شوكولاته فايف ستارز وعليها خطوط من صوص الكراميل ويامصيبتي السوده ياانا يامااااااه كالوريز بالعبيط يلا ربنا يسامحنا على الجرايم دى

الوسوم
اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق