رياضه عربية وعالمية

كلمة السر لتحقيق أحلامك


بقلم د.أميرة مجدي.
كل واحد مننا جواة حلم ونفسة يحققة وكل يوم في عمرة بيكبر حلمة كمان بيكبر معاة بس كل واحد فينا لية طريقتة.
يعني فينا اللي بيقعد يفكر أمتي؟حلمة هيتحقق وازاي؟
ويضيع عمرة في التفكير بدون تحقيق أهدافة وأحلامه،عارفين لية علشان كل شوية بيسأل نفسه أمتي وازاي ومشغول بالسؤال عن تحقيق هدفة،وفي ناس بتبقي عارفه خطواتها كويس اوي ومحددة أهدافها،بس ما بتحلمش بتنفذ وبتخطط وبس وفي الاخر بتزهق ومبتكملش.
الناس دي ودي غلط،تعالوا اقولكوا السر في تحقيق أحلامنا عارفين( قانون الجذب) هو دة السر في تحقيق أحلامنا يعني أحلم بهدفك واجذبة ليك وفكر فيه وتخيل نفسك وصلت لية وحققتة وفي نفس الوقت حضر الأهداف واعمل ليك خطة وبديل جاهز لو احتجت لتغير حاجه في خطتك.
كل اللي هتفكر فية هيجيلك وهيتحقق ودة طبعا باذن الله بس طول ما انت مصدق حلمك هيتحقق مع يقينك وثقتك بالله وبنفسك وجوة عقلك اللي هتحلم بية هيتحقق على أرض الواقع،عارفين المثل اللي بيقول (اللي بيخاف من العفريت يطلعلة)يعني كل اللي بنفكر فية في خيالنا بنجذبة لينا وبيحصل.
خلي دائما افكارك وطاقتك إيجابية واكتسب كل ما هو أيجابي واطرد أي أفكار سلبية من حياتك هتلاقي طريق النور ادامك،نور شمعة في خيالك وامشي على نورها في عز الضلمة هتلاقي كل الابواب بتتفتحلك
لو فكرت في الفشل هتفشل ولو فكرت في النجاح هتنجح كلمة السر قانون الجذب
فكر في كل اللي نفسك يحصل هتلاقي بيحصل
خليك ايجابي#واتحدي نفسك#قبل ما تتحدي غيرك#

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق