مطبخ مملكتي

كبده بدبس الرمان من مطبخ / توتا مراد

كتبت آية عفت

المقادير :
1 كيلو كبده فراخ
2 بصله مفرومه ناعم
ملح وفلفل وبهارات لحمه
رشه حبهان وورق لورا
1 معلقه ص توم مفروم
4 معالق ك دبس رمان
مكعب ماجى
نص كوب ميه مغليه

الطريقه:

اول حاجه نغسل الكبده كويس بملح وخل ودقيق بعد كده نجيب طاسه سخنه فيها زيت ولما يسخن ننزل الكبده والنار تفضل عاليه ونقلب 3 دقايق بعد كده نزود رشه ملح وفلفل وباقي البهارات ولما لونها يغير ننزل البصل المفروم ونشوح 5 دقايق بعد كده نزود الميه المفليه والماجى ولما كله يغلى نغطى ونهدى النار لحد ماتتشرب الميه بعد كده هنشيلها على جنب ونجيب نفس الطاسه نحط فيها شويه زبده والتوم ونشوحهم دقيقه مش عايزين التوم يلون يدوبك يصفر بعد كده ننزل دبس الرمان وشويه ميه مغليه ولما يغلى ننزل الكبده ال شلناها على جنب ونقلب وممكن نزود شويه ميه مغليه لو عايزين يكون فيها صوص بسيط ونقفل النار ونقدمها مع رز ابيض او اى نوع رز انا عملت رز باللسان العصفور تحفه واهو تغيير يارب يعجبكم

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق