كباب شرايح البفتيك
مين محتاره تفطر الحلويين ايه بريحه حلوى وطعم لذيذ ؟
..
بانيه ومكرونه .. لا لا مليتوا
طيب بفتيك وبطاطس .. لا لااكلتوها قريب
..
انا اقولك كباب بس مش اي كباب لانه من شرايح البفتيك
_كيلو بفتيك تقطيعه يكون مناسب لاعواد الشوي شوفي الصور وهتفهمي
_تتبيلة شوي جاهزه جاهزه
_فلفل وبصل 🌶️ و١طماطم معصوره ومتصفيه وعليها نص كوبايه #زيت نباتي
**سخني شوايتك وجهزيها لاستقبال اسياخ الكباب
١_تبلي البفتيك بعد التقطيع وسيبيه ساعه بالظبط
٢_سيخي البفتيك مع الخضار
٣_ادهني شبكة الشوايه زيت بالفرشاه
٤_ورصي اسياخ الكباب وارجعي ادهني الكباب من خليط الزيت والطماطم ومع كل تقليبه ادهنيها بسيط بسيط
٥_مدة الشوي ٢٠ دقيقه وطبعا ده لان اللحمه رفيعه مش هتاخد وقت ف النضج
_جهزتي السلطه والشوايه شغاله
ياللا بقى عيش وتوميه وسلطه خضره ومعاهم الكباب سخن دور ينزل بعد دور في طبق الاكل
والف هنا وعافيه
تحياتي
شيف هايدا
