ثقافة وفن

قصيدة / ع الأساسي 

بقلم/ شرين سعد أحمد شاعرة جنوب الوادي 

 

 

ع الأساسي وأنت ماشي

إديني مرتبي واجري

ما أنت عارف إني راسي

ع الأمور بدري

،،،،،،،،،،،،،،،،،،،،،،،

صوتي رايح أما اهاتي

ومكافأتي اتشلت

والحوافز جالها نقطة

بالخصم ما خلت

،،،،،،،،،،،،،،،،،،،

يرضي مين في الدنيا حالنا

مافي زينا محتاس

وقف الأساسي جاب أجلنا

طب ارحموا يا ناس

،،،،،،،،،،،،،،،،،،

نفسي حد يجينا ينصف

يصرف أثر رجعي

دا المرتب حاجة تكسف

بحزن على وضعي

،،،،،،،،،،،،،،،،،،،،

هشتاج ما نافع ولاحتى شافع

قربتنا مقطوعة

نفسي أعرف إيه الدافع

مرارتنا مفقوعة

،،،،،،،،،،،،،،،،،،،

دا المدرس أصبح مفلس

خد استمارة ستة

ليه علينا الكل غلس

والهجمة مش ساكتة

،،،،،،،،،،،،،،،،،،

فوضت أمري ليك يا ربي

تنصفني من عندك

جوه قلبي همي اخبي

طمعان أنا ف عدلك

 

إهداء إلى

أساسي 2014

مع تحيات خصومات 2019

الوسوم
اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق