ثقافة وفن

قرار ولا أختيار


كتبت بوسي مرسي
أوعي تفكر نفسك فارق مع المفارق
أصلك لو كنت فارق مكنش هو سابك وفارق
كنت مصدق أوي لكن طلعت واهم أوي
كنت حابب ومسلم ومع غيرة ماهاتعرف تكمل
كنت عايش أوهام وحابب تكمل كلام في كلام
كنت مغمي عينك عشان كان شئ صعب عليك
كنت مفكر أن من غيرك الكون مش ماشي بس طلع كله ماشي
كنت مفكر أن المركب من غيرك تغرق طلع عادي خرم بسيط وممكن ترقيع
كنت كل الروح فين ماأروح لحد أما الروح راحت منك ولا حد سأل عنك
كنت عايش سنين أوهام في عقلك وخيالك كلام بس فوقت منه علي سراب في سراب
أه يازمن !!!
غيرت النفوس ليه وعشان أيه
ياتري هي أصلا كانت كدة ولا أنت أللي كنت رافض تصدق أني في كدة
من غير ماتتكلم بتتحاسب وعلي كل شئ بتحاسب وحاسب أوعاك تحاسب لحسن تتحاسب
وينسحب البساط من تحت رجليك لمجرد أنك كنت مفكر أنك غالي وعلي الخلق عاوز تشوف كتير مغالي لاوالله ياغالي بلاش تغالي وتعمل لنفسك سعر أحسن هاتلاقي السعر رخيص
بتتباع في مزاد بس من غير مزاد لأنك هاتتباع علني بس من غير يعني مايندفع فيك مال

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق