فن ومشاهير

فنان من الزمن الجميل .مالم تعرفه عن الفنان علي الشريف

كتب_ خالد مصطفي عبد الخالق

 

خضرة زوجة الفنان علي الشريف بتحكي عنه وبتقول : انه كان بسيط جدآ ومكنش له حد ف الدنيا ، يوم جوازنا قالي انا ماليش حد ف الدنيا دي وانتي زيي ف ينكون لبعض سند يا نخلينا بعاد و كل واحد يتعب ف الدنيا لوحده ، واتعاهدنا نكون سند لبعض.

_ بعد فتره لما دخل الفن حياتنا بقت أفضل و بدأ يبقي معاه فلوس و أبتديت اخاف لا يتجوز عليا ف بقيت اهتم قوي برضاه فوق العادي لدرجه انه لاحظ وفهم ف قالي : انتي خايفه لتجوز عليكي يا خضرة عشان اغتنيت ،وبقيت مشهور شويه واعرف ناس يمكن احسن منك ف الشكل ، متخافيش وأطمني مش انا اللي انسي اصلي ولا انسي الست اللي وافقت تشاركني حياتي و انا مكنتش لاقي اكل.

_ يوم وفاته كان عنده عرض مسرحي وتعب جدآ الكاستنج كانوا هياخدوه علي المستشفى ف رفض وطلب منهم بأستجداء يروحوه عند مراته بتقول أنهم حكولها انه قالهم و دوني عند خضرة بالله عليكم عاوز اموت وانا مطمن ، ولما علي الشريف رجع بيته جمع ولاده و قالهم هوصيكم وصيه ” امكم ” دي افضل ست ف الدنيا ، متهينوهاش بعد مماتي بالله عليكم متهينوهاش و بكي ، خضرة بتحكي وهي بتبكي بتقول : مش قادره انسي انه كان بيموت وخايف عليا وبيوصي ولاده عليا يعززوني وميهينونيش .

_ بتقول أنه ف اللحظه الاخيره قبل وفاته قالها : متصرخيش عليا بعد ما اموت وخلي بالك من الولاد ولو عاوزه تتجوزي اتجوزي انا راضى والله يا خضرة ، ووصاها تعمله عمره ومتنساش حتي لو اتجوزت غيره و فالنهايه صلي علي النبي ثم ردد الشهادتين.
( صورة له و امه و زوجته وابنه )

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى