ثقافة وفن

علمتنى الحياة

بقلم أيه محمد الشيخ

علمتنى الحياة

.. الحياة كالبيانو، هناك أصابع بيضاء وهي السّعادة، وهناك أصابع سوداء وهي الحزن، ولكن تأكد أنّك ستعزف بالاثنين لكي تعطى الحياة لحناً

.. وإن الطيب مابيتعلمش من غلطه،، لإنه مهما قابل ناس وحشة مش بيستوعب وحاشتهم ، وبيفضل يتوسم الخير فيهم..

.. علمتنى ان الغلطان هو اول من يدعي كذب و افتراء …..

​‏​‏​.. وإن اللسان مُجرم مسجون خلف الأسنان! إن أفرجت عنه عِند الغَضب رماك في زنزانة النّدم، تحت حُكم الضّمير!.
لسان

.. وعلمتنى ان الظالم اكثر ثرثره من المظلوم….😔🤚

.. علمتنى ان من القلب للقلب رسول ونفس اللى جواك ليا هو اللى جوايا ليك….💕

.. علمتنى اصبر على البلاء ومازعلش من الخساره لان ربنا بيعوض باكتر من اللى خسرته بس باللي هو شايفه أولي…👌🏻

.. علمتنى ان لما حد يغتابنى او يغلط فى حقى أو يتبلى عليا مزعلش منهم لكن أزعل عليهم وان دول ربنا سخرهم لى عشان أخد حسنات وأكتشف بيهم حقيقة ناس تانية …

.. علمتنى ان السكوت افضل رد على السفهاء….

.. علمتنى انى مادام ماشي فى الطريق الصح مايهمنيش حد واللى يقول يقول، ربنا بيبين الحقائق فى الوقت الصح،

.. علمتنى ما اندمش على اى قرار اخدته حتى لو غلط واستحمل نتيجته و اتعلَّم منه.

.. علمتنى ابقي بوش واحد وكلام واحد ورأى واحد،،،✔️

.. علمتنى ابقى قد كلامى و قد وعدى…👌🏻

.. علمتنى إن اللى تعمل معاه خير ويقلل منك قدام الناس حقير،، بيجيله اللى يقلل منه ويمشى وراه مذلول،،👌🏻🤚

.. علمتنى اسمع بعينى وادور على الحقيقه بنفسي و واتأكد وماحكمش علي حد من اللى بسمعه …. 👌🏻

.. علمتنى اسمع من الطرفين،، لإن فيه ناس أخبث من إنهم يبينوا حقيقتهم،، وفيه ناس وضوحهم بيظلمهم،،✌🏻

.. علمتنى إن أصحاب الضمير والقلب الحى نعمة واللى قلبه حجر مايساويش ولو يملك مال قارون وجمال سيدنا يوسف،،💖

.. علّمتني الحياة أن أقابل الخير بالخير وأن أقابل الشرّ بالخير، وأن أقابل الإحسان بالإحسان، وأقابل الإساءة بالإحسان.👌🏻

..علمتنى أن تكون فرداً في جماعة الأسود خير لك من أن تكون قائداً للنعام.

.. إذا أحببت شخصاً، فاذهب إليه وقل إنّك تحبّه إلا إذا كنت لا تعنى ما تقول فعلاً؛ لأنّه سيعرف الحقيقة بمجرّد النظر في عينيك.

.. علمتني الحياة أن أكون قنوعة فتكفيني قطرات الندى فى الصباح لأرتوي.

.. ستجد أنّ الحياة لا تزال جديرة بالاهتمام، إذا كنت تبتسم. علّمتني الحياة أن أحاول إصلاح الكون من حولي وتزيينه بلمسات من الجمال، وحاولت كثيراً حتى تعلّمت أنّ النجاح سلم لا تستطيع تسلّقَه ويداك في جيبك

.. ستتعلّم الكثير من دروس الحياة، إذا لاحظت أنّ رجال الإطفاء لا يكافحون النار بالنار.🔥

.. علمتنى ان المكسب الوحيد ليا انى ابقي انا زى ما انا عايز اكون مش زى ما اي حد عاوزني أكون

.. علمتنى إن أحقر الناس هو اللى يستغل حبك له لفترة ويستغنى عنك فى لحظة عشان مصلحة جديدة

.. علمتنى إن عيلتى هى أهم حاجة فى حياتى…💖

.. واتعلمت إن اللى بيعمل حاجة فعلاً بتتردله بنفس الطريقة بالمللي

.. و اخيراً علمتني ان جبر الخواطر سحر و السعاده اللي الواحد بيحس بيها بعده لا تقارن،، وإن الحب والوفاء اللى بتقدمه بيرجعلك أضعاف مضاعفة💕

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى