ثقافة وفن

علشان_تكوني_أنت

بقلم /نسرين معتوق

كتبت نسرين معتوق

#علشان_تكوني_إنت

الحياة هي هبة الله ليكِ ، منحته إلي وهبهالك بمجرد ما سكنت الروح جسدك ، حياة أتخلقت علشان تعيشها ، علشان تكوني إنتِ الشخص و البصمة إلي ما تتكررش ، مش صورة لحد ولا رسمة يرسمها حد و يختار هو ألوانها زي ما يحب .

و منحك الله القلب و العقل الكيانين أو ممكن نقول القوتين الأهم في وجودك كله ، علشان توازني ما بينهم أو تغّلبي أياً ما فيهم براحتك ، علشان تختاري لنفسك بنفسك . كل ده ملكك علشان تكوني إنت ، فما يشغلكيش أزاي هتكوني متشافة في عيون غيرك .

يمكن أكتر حاجة بتأخذ من عمرك و من غير ما تحسي و ممكن تسرق منك حياتك كلها .. تركيزك على نظرة الناس من حواليكِ ليكِ و حكمهم .
أزاي شايفين شكلك ، لبسك ، شغلك ، بيتك ، حتى طريقة تعاملك مع غيرك .
و طبعاً كل ما كان تركيزك أكبر مع أزاي إنتِ متشافة ، كل ما الدائرة إلي هتدوري فيها و بلا نهاية ما هتكون أكبر و هتستنزف كل مجهودك و قوتك .. و بلا أي عائد عليكِ إنت .

عارفة زي أيه ؟؟ فكرة الموضة في اللبس ، و في الألوان فيها من التقييد للشخص أكتر ما فيها من التغيير و التجديد ، لإن شكلك بيبقى حلو لما تلبس و تتلون بالحاجات إلي بتشوف نفسك مرتاح فيها ، راضي عن ألوانك و واثق من شكلك ، و ثقتك دي هي ألي بتتصدر لغيرك . و مش معنى كده تمشي غريبة في وسط الناس ، بس خذي إلي إنت عايزاه و إلي شايفة نفسك فيه و بس .
و ده بقى بينطبق على كل أختياراتك ، تتعلمي أيه و تشتغلي ألي إنت عايزاه علشان تحقيقي ألي إنت عايزاه فيكون ليكِ بصمتك إنتِ .

و أحساسك برضائك عن نفسك مهم أوي يسبق فكرة أحساسك برضاء الغير عنك ، لإن ده هيخليكِ تحقيقي السبب إلي إنتِ موجودة علشانه في الدنيا دي .

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى