ثقافة وفن

صغنن وعامل مشاكل

كتبت إيمان نسيم

 

 

أيواااا ..هو بعينه وغباوته،زى ما قال الشاويش عطية..التوكتوك اللعين.

صحينا فى يوم،لاقيناه فى طريقنا،بيرازى فى البنى أدمين..نروحله شمال،ييجيلنا يمين،وعيال سايقين،وبالتلات عجلات والسماعات فرحانين.

وأحنا نقول يا مُنجى نجى ،زى ماقال عبد المنعم أبراهيم.

يا عم أمشي ،هو إحنا رايقين..ده احنا لبعض مش سايعين.

فى الشوارع هايصين،والناس لايصين..ماشيين متلفتين ،على نفسنا خايفين ،وكأننا مش عارفين ،القلم جاى منين!!!

وأتريقنا عليه ..وقولنا يلاااا ،خلى الصغنن وسطينا ياكل عيش،ما الشباب ضايعين،ومفيش وظايف خاليين.

أووووم ….. الله يمسيك بالخير يا عمدة الحلمية ،سمعنا عن حالات خطف وبيع أعضاء بنى أدمين..والتوكتوك شريك ضالع وأيديه ملوثين..والحكومة أيديها مكتوفين،هتعمل أيه فى الشباب الشغالين وعن دماغها حالين!!!!!!!!

مقولناش حاجة يا حكومة..بس كفايانا تكاتك،دى الصنعة بارت..والشباب أستسهل ،وعن الصنعة كسل.

وقفى أستيراده ورخصى الموجود..وأهو يبقى مصدر للدخل المحدود..ما هما بياخدوا الدعم على الوقود..ويا بخت اللى فاد ،والجودة من الموجووود.

“مش كدااا ولا أييييه”

زى ما قال فناننا فؤاد.

الوسوم
اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق