ثقافة وفن

سيبي بصمة واصنعي الذكريات

بقلم مي انور

سيبي بصمة واصنعي الذكريات
اليوم اللي بيعدي مابيرجعش.وعشان كدا حاولي تخلي كل يوم يكون أحلى وأجمل من اللي قبله . اثبتي دايمًا وجودك واعمليلك بصمه تخلي الكل في غيابك حاسس إنه نقصه حاجة كبيرة.سواء كنتِ بنوتة أو شاب في وسط أسرتكم املوا عليهم البيت سعادة واجواء حلوة بهزاركم ومشاركتكم في الحياة,مش عايشين لنفسكم وبس.
أو في وسط أصحابكم وشلتكم الحلوة.
خلي ليكم بصمة واعملوا ذكريات تحبوها وتحكوا فيها.
ولو كنتِ أم أو أب اوعوا تخلوا المسؤليات تنسيكم الدور الأكبر وهو حب أولادكم ليكم وقربهم منكم.
اوعوا تنسوا تشاركوهم لعبهم وأنشطتهم وتفاصيلهم الصغيرة.
خليهم يكونوا دايمًا حاسين بوجودكم في وسطهم . خليهم وقت ما يكبروا ويفتكروا مواقفكم معاهم يحكوها بحب وفرحه ويحسوا إن الحمدالله كل أيامهم كانت جميلة في وسطيكم.
أوعي تخافي على عفش البيت أصل العيال تكسرة ولا تبهدلة في الآخر العيال بتكبر وبتسيب البيت والعفش هو اللي بيفضل واللي هايفضل معاه شوية التنطيط والذكريات الحلوة وبصمتك بلعبك معاهم.
من الآخر خليكم ذات آثر طيب وذكرى جميلة
خليكم شاطئ الأمان وملجأ الهروب.
خليكم ركن آمن لو غبتم الكل يشتاق إليكم.
وفي حضوركم فتحوا أبوابهم وقلوبهم إليكم.
الحياة بسيطة بلاش نعقدها
سيبوا بصمة وأحلى ذكرى
كتبت
مي أنور

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى