فن ومشاهير

سماح الكاشف اصابع ذهبية تصنع لوحات فنية

كتبت دعاء لاشين

فن التطريز هو فن راقي يتميز صاحبه بالصبر وطول البال والهدوء والدقة في اشياء كثيره .لأنك من خلاله تصنع لوحات فنية فيها ابداع يستمد جذوره من التاريخ.
سماح كاشف نموذج رائع لصنع تلك اللوحات من خلال فن التطريز تعالوا نتعرف علي هوايتها وطموحها في مجال عملها
: اسمى سماح عبد المنعم بكر ..
ولقبى سماح كاشف
خريجت المعهد العالى للسياحه والفنادق .. ومدرسه موسيقى بمدرسه الشمس المشرقه للغات
متزوجة ولدى اربعه اولاد ٣ بنات وولد
** كل انسان لدى موهبه خاصه بيه اعطاها الله له لكن الموهبه بتتختلف بين كل شخص وشخص بمعنى ان الانسان اللى بيتعب على موهبته اللى ربنا اعطاه اياها بيكون مختلف عن باقى الناس

** طبعا بيتتطلب مهارات خاصه اهمها التركيز والصبر حتى تصل لدرجه الاتقان
**بدأت الاعمال اليدويه وكان سنى ١٢ سنه
طبعا .. كانت ولدتى الله يرحمها بتجيد تطريز الخيط وبتنفذ الزى الرسمى لدوله لبيا .. حبيت جدا التطريز ده وفنه .. اتعملته منها وبدءت اشتغل معها فى نفس المجال .. وزي ما بيقوله التلميذ تفوق على استاذه ماما قاللتى انى تفوقت عليها يكاد اكون كنت بقوم بالشغل كله لوحدى كانت فرحانه بيا جدا .. اخدت اجازه لفتره بعدها .. انشغلت بدرستى ومجال دارستى فى السياحه
وبعدين اتجوزت وانسغلت شويه بالبيت .. ولكن حنيت لمجال الهاند ميد من جديد رجعت اطرز تطريز الخيط تانى ..
لكن مش عارفه ليه المره دى حسيت انى عايزه اطور شويه
حبيت تطريز الخرز اوى طرزت فستانين زفاف وسوريهات كتير جدا …. الى ان حصلى موقف اثناء شغولى …. كان وقتها معايا زوجى وفى الحقيقه هو اللى شجعنى ولفت نظرى لموهبتى اكتر
قالى انتى بتعرفى ترسمى وتطرزى اشتغلى لنفسك ونمى موهبتك وبكده تكونى بتعملى الشغل اللى بتحبيه
ومن هنا بدءت رحلتى

عملت اول مفرش كنت بعمله علشان اقدمه هديه
ومكنتيش اعرف انه حيعجب ناس وابيعه كمان
كنت بفرجه على صدقتى بعد ما خلاص وكان وقتها عندها اختها عجبها جدا وقاللتى انا عايزه اشتريه فرحت جدا
وبالفعل اشترته بيعته ١٠٠ج مش قادره اقولك كنت فرحانه اد ايه
و١٠٠ج دى كانت هى راس مالى الاول ..
وعملت مفرش تانى وعجب جارتى وكان وقتها بنتها بتتجوز وطلبت منى انى اعملها المفارش بتاعتها
وبالفعل نفذت وعملتها طقم لبيتها ..
بعدها بدءت رحلتى مع النور للتطريز اللى كانت فى الاصل صفحه لبنتى كانت عملها علشان تكتب فيها قصص للاطفال
قاللى خوديها يا ماما واختارنا اسم النور للتطريز .. النور اسم بنتى الصغيرة والحمد لله بدءت تتعرف وبدء الشغل يبان للناس
وبدء الاوردارت …
بالنسبه للأعمال الغير ناجحه اكيد طبعا لازم احتفظ بيها علشان اشوف ايه الاخطاء اللى فيها واصلحها

اتعملت بشكل ذاتى واشتغلت على نفسي كتير .. واتفرجت على فيديوهات علشان اطور من حالى زوجى كمان علشان هو مهندس ساعدنى كتير وعلمنى كتير … اى صعوبات كانت بتقبلنى كان هو على طول بيحلهالى
فى الاول كان كنت بدخل على جوجل وفكهات وباخد منهم افكار
بعد كده بقيت اصمم الموديلات
من خيالى ..
كمان موقع بنتريست فادنى كتير فى الحقيقه .. اتعملت منه كتير اوى تناسق الالوان وبعض الموديلات اللى اخدت منها افكار

احب اعمالى هو اول مفرش نفذته بحبه جدا جدا … لانه وش السعد عليا والحمد لله

المتعلم بيحتاج الصبر اهم حاجه الصبر وبعد التركيز والهدوء وطبعا اكيد يكون عنده برده الموهبه الشئ الطبيعى اللى من عند الله
فى الحقيقه بنصح كل ست انها تشتغل على نفسها اكيد عندها حاجه ربما خصها بيها .. تقدر تنجح بيها

هوايه الموسيقى وهى مش بس هوايه ده انا بشتغل فيها
ورثتها عن ولدى الله يرحمه
طبعا واكيد بفضل انى المرء لازم يكون عنده هوايه واحده بس وينميها .. زمان اجددنا قالو صاحب بالين كذاب صحاب تلاته منفاق
بنصح كل حرفى وحرفيه يركز فى حاجه واحده بس ويركز فيها
حتى ولو فى الاول مش حيلاقى منها عائد ربنا مش حيضيع تعبه ابدا

انا عرفت هويتى لما حبيت فن التطريز .. لقيت نفسي بميل للفن ده اكيد كل انسان بيحس بهويته والشئ اللى بيحبه
وبالنسبه للاستغلال التجارى
انا اهو نميت هوايه التطربز واشتغلت بيها .. عايزه اقولك الموهبه والاستغلال التجارى مع بعض بتجيب نتيجه ناجحه جدا
بس المهم اللى انا اللى بستغل نفسي مش حد بيستغلينى

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق