ثقافة وفن

سحر شرف بصمة في عالم الكورشيه

كتبت دعاء لاشين

 

عالم الكورشيه عالم متميز ساحر بألوانه الزاهية وخياطته المتقنة وخيوطه المتداخلة كلها تخلق أنماطا وصورا تضيف علي المكان الذى يوضع فيه جمالا وبساطة ومع الجميلة سحر شرف تعالوا نتعرف عليه اكثر مع جمال شغلها وتميزه

 

-من أنا ؟

أنا زوجة وأم

خريجة آداب انجليش من صغري كنت بحب اعمل حاجات بايدي وعرايسي كنت بعملهم شغل كروشيه وحاجات كتير  بس كبرت ونسيت واتخرجت واشتغلت بعدين قعدت من الشغل ورجعت بقا لعشقي الاول الكروشيه

-الموهبة

كل واحد عنده موهبة بس المهم يكتشفها

-الاتقان

يتطلب شخص دايما بيبحث ويدور علي كل جديد يساعده يطور ويخرج شغله في احسن صورة ترضيه قبل ما ترضي العميل

-متى بدأت؟

القصة اني من صغري بحب اعمل الحاجات دي بس كنت نسيت.. لما قعدت من شغلي اكتئبت من الفراغ.. لاقيت اختي الاصغر جايبه ابرة وخيط وبتتعلم من النت فكرتني بيه شجعتها وشجعتني اننا نشتغل سوا والحمد لله اتعلمنا وعلمنا

-اول عمل

لو من ايام المدرسة فهو فستان لعروسة لعبة بتاعتي ولسه محتفظه بيه

لو بعد ما رجعت اشتغل فهو طقم طاقية و كوفيه لبنتي وطلع حلو آوي لدرجه اني ٣ مرات ناس توقفني تقولي ممكن اسال جايباه منين ودي كانت حاجه بسطتني جدا

-الاعمال الغير ناجحه

بحتفظ بيها ولما بلاقي وقت بفكها واحولها لحاجه تانيه حلوة

-تعلمت الكروشيه بشكل ذاتي عن طريق النت … لكن الجلد الطبيعي اخدت كورس ولكني مقلة جدا في شغله

-المواقف

بالفعل كان في مواقف جيده زي تشجيع الصحاب والناس القريبه وكان اكيد في ناس محبطه تقولك ايه فايدة الي بتعمليه بس الحمد تغير رايهم

اتعاملت مع المواقف دي اني اتجاهلهم كأني ما سمعتش واكمل الي عاوزاه

-أحب الأعمال

بصراحه كتير بس في مفرش حسيت لما عملته بانجاز لاني دخلت الوان كتير مع بعض وطلع ليه طابع شرقي جميل الحمد لله

-ما يحتاجه المتعلم انه يتفرج كتير لكن ينفذ من دماغه

-نصيحة

افعل ما تحب فقط

-هوايتي الاساسيه هي الكروشيه والثانية هي الجلد الطبيعي ولكن نظرا لظروف صحية متوقفه حاليا

-اعتقد لازم التنقل بين المجالات لحين اكتشاف هوايتك

-جربت استغلال هوايتي بشكل تجاري.. نعم جربت بقالي اكتر من ٤ سنين دلوقتي

-والله نصيحتي انهم يكون بالهم طويل و ما يسمحوش لحد انه يستغلهم أو يقلل من مجهودهم

الوسوم
اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق