فن ومشاهير

رقية ابراهيم لا حدود للابتكار والتميز 

كتبت دعاء لاشين

 

رقية ابراهيم دفعها حبها الشديد الي الفنون ال خلق عالم صغير ملي بالافكار الممتعة وتسعي دائما الي ابراز افضل ما لديها لبقاء واستمرار هذا العالم المملؤ ء بالأعمال الجميلة المميزة والتي تحمل في داخلها موهبة جديدة تجعل كل يوم ليها ملئ بالابتكار والتميز في مجال الفوم تعالوا سواء نتعرف علي الفنانة الجميلة رقية ابراهيم

من انت ؟انا رقيه ابراهيم مصممه عرائس فوم ورسامه بورتريهات درست صنايع قسم زخرفه متزوجه وام لأربع اطفال أكبرهم فالصف السادس واصغرهم كجي وان بحب الاعمال الفنيه جدا وبالأخص مجال الفوم هوايتي الرسم من صغري

اتنين أن الموهبه خصله لا يمتلكها اي شخص ولماذا ؟الموهبه دي حاجه من عند ربنا مش كل الناس عندها موهبه دي نعمه كبيره جداا ربنا بيوهبها لبعض الاشخاص عشان يقضر يتحمل مصاعب الحياه ويعبر عن اللي جواه من خلال فنه انا مش قادره اتخيل حياتي من غير الرسم مثلا دي صديقي المخلص كل ما ادايق اجري علي ورشتي وكراسه الرسم وارسم احس اني خرجت اتفسحت وغيرت جو وجيت الحمد لله علي النعمه دي

وهل الاتقان يتطلب مهارات خاصه ؟اكيد طبعا بيعتمد علي حجات كتير أولها جوده الخامات اللي شغال بيها وتاني حاجه تركيزه فالتفاصيل الدقيقه لكل قطعه بيشتغل فيها والصبر طبعا

متي بدأت بالأعمال اليدويه ؟بدات من سنه تقريبا كنت ساكنه فمكان مخنوقه منه والحمد لله ربنا كرمني بمكان تاني احسن بكتير كانت الشقه فيها جنينه وكان المكان هادي جداا وكنت بضطر افضل فالبيت فتره طويله جدا فاضيه بعد متابعه الولاد وشغل البيت فكرت ارجع للرسم تاني واشغل وقتي الفاضي بعد ما كنت بعدت عنه حوالي ١٣سنه وطبعا كنت ببتكر فانشطه المدرسه للولاد وبعملهم مجسمات ولوحات بيتكرمو بيها وبقيت معروفه للمدرسين والمدرسه بقو يشجعوني أن لازم اشتغل فالحجات دي وتكون مصدر دخل ليا بس انا مكنتش حابه ده حبيت قوي المجسمات وسبت الرسم تاني وبدأت اشوف فيديوهات تخص الفوم علي اليوتيوب وبفتح فيديو ورا التاني اكتشفت العرايس بدأت اشتغل عليها منجحتش قوي فالاول سبتها وبعدها اتعرفت علي رئيسه لجنه المعارض فالاسماعيليه شجعتني اني استمر وإني اكون معاها فمعرض هيفتتحه محافظ الاسماعيليه ووزيره المشروعات الصغيره اتحمست جداا وعملت اعمال كتيره قوي عجبت المحافظ والوزيره للاسف مكنتش بحتفظ باعمالي لان كنت محتاجه الفلوس عشان اجيب خامات اكمل بيها مشواري شغلي من سنه كانت بتبقي فيه غلطات كتير اكيد بتجنبها جدا دلوقتي بقت معدومه لان كنت بتسرع وبخلص الشغل بسرعه لكن دلوقتي باخد وقتي وبصبر لما اشوف الشكل النهائي

علمت نفسي بنفسي من اليوتيوب وبدأت ابعت للأجانب رسائل اني حابه نكون اصدقاء وبالفعل عندي اصدقاء كتير جدا منهم بيعملو دورات تدريبيه علي صفحاتهم الخاصه وجروباتهم ومحدش منهم بيبخل بمعلومه علي حد اتعلمت منهم كتير وهما أصحاب الفضل عليا بعد ربنا

وانا بتعلم بقا كانت امي معترضه وجوزي جدا كان ديما يقولي مين هيشتري منك الحجات دي ايه الهبل ده وامي كانت معترضه عشان الولاد والبيت وانتي مش محتاجه شغل فكان ضغط عصبي رهيب عليا كنت عشان ارضي كل الأطراف ومزعلش حد أفضل طول اليوم مع الولاد وطلبات جوزي والبيت وبعد ما ينامو ابدا اشتغل كنت بحاول اخرج الطاقه السلبيه دي بأني اخد راي اصحابي اللي ميعرفونيش عالفيس شجعوني جدا بقيت مسمعش راي حد غيرهم وانتبه لملاحظتهم وانفذها واطور من شغلي اكتر كنت كل مره بحس بمسوليه اكتر لما يعجبهم شغل وده خلاني أبدع اكتر

اعمالي كلها بحبها جداا وبرطبت بيهم جدا بحسهم اولادي ولما ببيع حاجه منهم بفضل علي تواصل مع الزبائن اسال عليهم واخليهم يصورهملي اسوفهم

اللي بيحتاجه اللي بيتعلم فالمجال ده او غيرو وفره الخامات يعني في حجات كتير وأدوات بشوفها فالفيديوهات مش موجوده فمصر اصلا احب انصح كل ست بيت عندها موهبه واتدفنت بسبب البيت والولاد انها ترجعلها تاني وتحاول توفق بين بيتها وموهبتها بجد الموهبه دي بتدي طاقه ايجابيه لصاحبها تساعده أنه يعدي اي حاجه ويتحمل كل حاجه

 

هوايتي التانيه غير مجال العرايس الرسم انا اتخرجت من صنايع قسم زخرفه واتجوزت علي طول وبعد ١٣سنه لما رجعت ارسم مكنش مستوايا كويس فكرت ادرس الرسم فاكاديمي كويسه واتعلمت فيها رسم البورتريهات بالاخص لأنها هتفدني كتير فتطوير شغلي فالعرايس خلصت المستوي الاول وحاليا بدرس فالمستوي التاني وبإذن الله هخلص الدبلومه كلها

اي انسان فالدنيا جواه موهبه بس هو مش عارفها فعشان يقضر يوصلها لازم يجرب حجات كتير واكتر حاجه يرتحلها ويحبها هتكون دي موهبته الاساسيه فكرت اني استغل موهبتي فالتجاره عملت عرايس للبيت بقضر اني اوظفها فكزا مكان فالبيت بحيث تكون ديكور وقطعه نستفاد منها فحاجه زي عرايس التويلت اللي بتكون شايله المناديل وبرده عرايس المطبخ وغير كده غرف الاطفال اللي بقضر انفذ اي شخصيه الطفل بيحبها من خلال تنفيذها علي قلم أو مقلمه مكتب للطفل وغير كده رسم البورتريهات اللي اتعلمته برسم صور لناس كتير والحمد لله نشاطي بيكبر يوم عن التاني وبعد كده من كتر إلحاح الناس إني اعلمهم فكرت اني اعمل كورسات اون لين وكورسات تانيه برايڤت والحمد لله

اهم النصائح أن منسمعش كلام المحبطين ونخلي كلامهم دافع قوي يخلينا نكبر اكتر لان كلامهم بيضيع لو فضلنا نسمعه نحاول نتجنب كل انسان بيدايقنا نفكر فنفسنا كتير ونحبها عشان نقضر نحب الناس اللي حولينا

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق