ثقافة وفن

رفقا بأصحاب القدرات الخاصه

بقلم/أيه محمد الشيخ

رفقا بأصحاب القدرات الخاصه
كثير من الناس البعيده عن مجال التربية الخاصه وقلة قليلة من أولياء الامور الغير مدركين لحجم مشكلة أبنائهم عند مشاهدتهم لفيديو تعليم الاطفال المجموعات الضمنية مثلاااا؛ من “اجزاء جسم.. للملابس.. للخضار.. للفاكهه..للحيوانات.. للألوان بتلاقى تعبيرات وشهم فيها تقليل من شأنك لكونك أخصائى صعوبات تعلم او تنمية مهارات ويتكلم بإستهزاء هو الاخصائى ده بيعمل ايه؟


جايب شوية مجسمات لحيوانات وشوية خضار فلفل على بتنجان على شوية فاكهه وبياخد فلوس من الناس عشان كده يقعد يقولو ده حمار وده حصان 🐎وده فيل 🐘 وده قرد 🐒…. الخ


المشكله عندى هنا مش فى الناس اللى مش فاهمين انك ماشى على برنامج وانك بتقيس قدرات الطفل عشان كده بتبدأ من عند اللى واقع منه واننا شغالين على العمر العقلى مش الزمنى وان فى حاجه اسمها فروق فردية وان طفلك مش زى طفل غيرك وان دى قدرات وان ربنا خلق هؤلاء الملايكه بقدرات معينه…….”” انتوا بتعيبوا الخلق ام الخالق “”.. عامة مشكلتى مش معاهم.. لالالالا انا مشكلتى مع ولى الامر اللى اول مايحس بتحسن يوقف الجلسات من تلقاء نفسه وعدم استيعابه للانتكاسه اللى ابنه هيوقع فيهاااا..
حضرتك انا معاك وقف جلسات بس اشتغل مع ابنك فى البيت معاك ان ابنك الحمدلله اتحسن بس ده برنامج بنمشى عليه مش مجرد لعب وشوية مجسمات على شوية بازلات زى البعض متخيل تؤ تؤ حضرتك ده برنامج بأهداف وكل هدف مرتبط باللى بعده اشتغل شغلى فى البيت انا مش هزعل اسألنى وتابع معايا وانا مش هبخل والله عليك وهفضيلك نفسى بس بلاش تضيع تعبنا هباءا اصلنا والله مش بنلعب زى ماحضرتك متخيل خلينى أسأل معاليك كام سؤال يمكن تقدر تفهم وتستوعب كلامى؟؟❓❓
— حضرتك تقدر تطلع السلم بخطوة واحدة ❓
— بلاش ده حضرتك تقدر تتذكر سورة من القرأن الكريم عند تلاوتها امامك لاول مرة ❓
— لالا بلاش ده كمان طب حضرتك تقدر تتعلم عبرى او روسى او اسبانى او اى لغة اوروبية فى جلستين ❓
طبعاااا بكل بساطه الاجابه لأ
_ ليه حضرتك بتصعبها علينا وعلى طفلك بنفس الشكل.. ليه حضرتك مش قادر تستوعب ان طفلك دى قدراته .. ليه عاوز تشيله شيله تقطم ظهره وممكن طفل يستجيب وياخد بدل الهدف 5 و6 كمان وهيخرج من الجلسه مية فل و14 وهختبره قدام معاليك وهيجاوب صح وممكن يفضل معايا كده جلستين ورا بعض بس عارف فى التالته مش هيستجيب معاك فى ولا هدف وزهق وضيق وعدم تذكر وحاجات كتير وترجع تقول ده كان ماشى تمام وفجأه اتنكس..لالا ده حضرتك اللى مشيت بدماغك انت مش ببرنامج اصل البرنامج تعليمى وترفيهى احنا بنعلم الطفل على مجسمات وكروت وسجاد والله بنعمل شقلبظات داخل الجلسه عشان بس ابنك يتقن الهدف عشان دى رسالتنا فى الحياة.. اننا نشوفهم احسن منى ومنك ويكونوا اسعد ناس فى الكون.✅
وأخيرا وليس بأخر رفقا بأصحاب الهمم رفقا بملائكة الرحمة رفقااا بذوى القدرات الخاصة ..
بقلم آية محمد الشيخ

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى