ثقافة وفن

 رضا ابو شنب يفوز في مسابقة على مستوى الوطن العربي

كتب /طلعت فوزي

 

 

فاز الشاعر رضا ابو شنب ابن محافظة الدقهليه بمدينه ميت غمر

بالمركز الرابع على مستوى الوطن العربي بقصيدته

( الجيش في قلب الشعب )

 

الشاعر /رضا علي احمد ابو شنب

جمهورية مصر العربيه

 

احنا الشعب في قلبنا جيش

واحنا الجيش في قلبنا شعب

لما بلدنا بتنده لينا

نجري عليها وندعي يارب

احفظ بلدي وعليي مقامها

احنا علشانها نعدي الصعب

احنا تاريخ وحضاره وشعب

ولا بنخاف من شرق وغرب

اللي يحب بلدنا نحبه

ياخد منا كل الحب

واللي بيجي عليها بناكله

يخرج منها زي الكلب

مصر جميله وغاليه علينا

بتعيش لينا ام واب

هي النور دايما في عنينا

زي الدم يحبه القلب

اللي شيطانه يقوله تعالي

يعمل فيها ابو الرجاله

هناكله من كل زباله

ونشبع اهله من الضرب

ولا بنعادي ابدا حد

دايما نرضي بحكم الرب

اللي يفكر يجي علينا

بنقوله اهلا بالحرب

احنا الشعب في قلب الجيش

احنا الجيش في قلبنا شعب

***

اقرو تاريخ او ذاكرو الدين

تلقو الجيش المصري متين

جيش بيضحي لاجل بلاده

يحمي ولاده من الخاينين

بيدافع عن ارضه وعرضه

ويخليها من الامنين

ايد بتحارب وقت الشده

ايد بتعمر وقت اللين

يزرع ارضه ويبني مصانع

يمسح دمعه كل حزين

لو بتفكر تعرف جيشنا

اسال مره عن حطين

تلقي اسود الجيش المصري

كان بيقودها صلاح الدين

لما ناصر قال هتنحي

وقف الشعب كله حزين

قاله ياناصر كلنا جيشك

وقت الحرب نكون ملايين

خد اولادنا وسلح جيشك

حرر ارضك من البغيين

قوم يا سادات واستلم الرايه

ناصر جهز لك حطين

بالطيران حطم طيرانهم

خلي سدودهم تبقي عجين

طهر ارضنا من نجاستهم

ارضنا طاهره ليوم الدين

ارض تجلي ليها المولي

قلع موسي فيها النعلين

يوسف فينا كبر وحكمها

كانت المأوي لكل حزين

لما الاسره الطاهره تزورها

وسط دروبها يعيشو سالمين

في القرأن ربنا يذكرها

ادخلو مصر تكونو امنين

جيشنا امان لكل الامه

يحمي وطنا من الخاينين

احنا شعب في قلبنا جيش

واحنا جيش في قلبنا شعب

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق