ثقافة وفن

رحاب يسري تكتب : القادرة تكسب

 

مرة أخري سنتحدث عن كتاب

Why men love bitches

والمقصود هنا ليست العاهرة ولكن القصد هي الست القادرة المستقلة اللي احنا بنشوفها جبروت وفي نفس الوقت، ليه الست اللطيفة المعطاءة بمنتهى التفانى بتاخد على دماغها .. وفى اكثر الاحوال بتتساب والمثير للسخرية انه بيطلق على النوعية دى من الستات .. انهم بيحبوا بزيادة .. حبهم يخوف .. محتاجين راجل متفرغ .. وخزعبلات تانية كتير لا تمت للواقع بصلة .. لأن بإختصار الموضوع يحتاج رجل سوى حقيقى ليتفهم المرأة بفطرتها السوية وانوثتها الحقيقية ..

 

لكن الكتاب اتكلم عن العلاقات الانسانية فى الوقت الحالى بكل خزعبلات والامراض النفسية للمجتمع (من وجهة نظرى ) فى الوقت الحالى

الكتاب بيتكلم عن فكرة العطاء، إنك تبقى بتدي اللي قدامك أكتر من حقه لحد ما يشوفه حقه، ولما تتعبى في النص وتدي له “يادوب” حقه أو حتى ازيد حاجة بسيطة بس أقل من اللي متعود عليه منك، يبقى إنت مُقصرة ولا يحاول على الاطلاق ان يغدق العطاء لتتوازن كفتين الميزان ((منتهى الانانية ))

الكاتبة بتقول :-

“Being too eager to please is a sign of overcompensating”.

(الرغبة المبالغ فيها في ارضاء الأخرين علامة على الافراط فى التعويض عن عيوب شخصية)

 

انا فى رأيى ان التفكير ده غير سوى .. ولكن للأسف مضطرين نتعامل معه على انه امر واقع مجتمعى معاصر ولكن وجب التنويه وهو ان المعطاء مش بيدارى عيب فيه بعطاءه ولا هو او هى desperate بالعكس ده ممكن يكون بيعلم الطرف الاخر هو شخصيا بيحب ايه .. بمنحه الشىء او الاهتمام او الحب اللى محتاجه

 

ولكن يبدو ان الكاتبة أكثر تجربة لأن الواقع حولنا بيثبت نظريتها .. نظرية التفريط لا تمارس الا مع الاكثر والاصدق حبا وعطاء والاقل فى المتطلبات ويتعامل ((الرجال خصوصا )) مع السيدة المحبة على انها مضمونة ثم مملة ثم مزعجة ثم منفرة ثم قابلة للهجر والترك

والمرأة فى هذه الحالة اما تتحول لكائن تعيس وتلبس رداء الضحية او انها تتحول بمنتهى القسوة الى امرأة عملية عقلها له الاولوية ونفسها هى الاهم ومزاجها ومتطلباتها لها الاولوية عن اى شىء او عن اى شخص

 

تتحول المرأة فى مجتمعنا المعاصر الى bitch عكس فطرة الله التى خلقها عليها لو ارادت حياة ترضيها مع رجل (مناسب ) بصرف النظر عن المشاعر فالمهم هو القبول

واقع مؤسف ولكنه حتمى ، ولى معكم قراءة اخرى من الكتاب العملى الحقيقى .. انتظرونى ..

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق