مملكتي بتقولك

دجاج كنتاكي

مقدم من مطبخ ايناس مجدي

المقادير
دجاجه كامله
بصل
كوب دقيق
ربع كوب نشا
٢كوب لبن
معلقه صغيره بيكنج بودر
بهارات ملح وفلفل اسود وتوم بودر وبصل بودر وبابريكا وبهارات فراخ وكمون وشطه حسب الرغبه وكركم وكاري
زيت
ليمون وخل
الطريقه
اول حاجه اغسل الدجاج كويس بالملح والخل والليمون زي مااحنا متعودين بعد كده بصفيها تماما من المياه واقطعها لثمانيه قطع وبسيب الجلد بتاعها مش بشيله من الفرخه واجهز محلول النقع عباره عن لبن واضيف بهارات معلقه من كل من ملح وفلفل اسود وبابريكا وتوم بودر وبصل بودر و بهارات دجاج ونص معلقه شطه وكمون وكركم وكاري واضيف عصير ليمونه ومعلقتين كبار خل وانقع قطع الدجاج ف المحلول ده لمده تلات ساعات ع الاقل ويفضل لو ليله كامله بعد كده اجهز بقا دقيق وأحط عليه النشا والبيكنج بودرو معلقه من ملح و فلفل اسود وتوم بودر وبصل بودر وبابريكا وبهارات فراخ ونص معلقه شطه عشان تبقي سبايسي ونص معلقه كاري بعدين اقلب كل التوابل دي كويس مع الدقيق والنشا وواجهز بوله فيها ماء فاتر وبعد مرور تلات ساعات ع الاقل ابتدي انزل قطع الدجاج ف الخليط الدقيق اللي جهزناه (لازم كل جوانب الفرخه تتغطي بالدقيق) بعدين انزلها ف الماء وع طول اطلعها تاني ع الدقيق وتغطيها بالدقيق كويس وممكن نكرر الخطوة دي مره كمان فقط وبعدين انفض قطعه الفرخه بأيدي من طرف القطعه من اي دقيق واحاول اتبل قطعتين بقطعتين ( يعني اتبل الدجاج ع القلي ع طول مش اتبلهم كلهم مره واحده لأن كده مش هتلاقي النتيجة المطلوبه والقرمشه ) بمعني تاني اتبل قطعتين مثلا واحطهم ف الزيت وارجع اكمل كمان قطعتين تماااااام واكون مجهزة زيت ساخن وغزير ف حله مش طاسه عشان الفرخه تكون الزيت مغطيها وانزل قطع الفراخ واهدي النار تبقي متوسطه وتغطي الحله ومتقلبيش قطع الفراخ الا أما تاخد لون ذهبي وتقلبيها ع الناحيه التانيه تقريبا بتاخد ربع ساعه ف السوا وتتقدم بالهنا مع بطاطس وكاتشاب وبالهنا ع قلوبكم جربوها أن شاء الله تعجبكم

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى