قصصمقالات

حوار مع ملكة من نوع خاص ضحى شتا

إعداد وحوار /منى منصور

الخيش وروعة منتجاته
الخيش وروعة منتجاته

الأبداع والتميز فى الأشغال اليدوية لا يحتاج إلى خامات مستورة غالية الثمن ولا يحتاج إلى
تكلفة باهظة فى شراء الأدوات وإينما يحتاج إلى فكر جديد وروح مشتعلة دوما بالتجديد والتميز
وما نستعرضة اليوم فن من نوع خاص وخامة خاصة هى من أقدم الخامات فى مصر هى
الخيش وتميزت فناتنا اليوم بإنها استخدمت تلك الخامة برقى وإبداع منقطع النظير
فصنعت من الخيش كل شئ وأى شئ قطع ديكورية وأكسسوارات منزلية وقطع فنية
مما جعلها تستحق وبجدارة لقب ملكة الخيش إنها المبدعة ضحى شتا وسنقترب من مملكتها الرائعة
لنعرف المزيد عن تلك الفنانة الرائعة
عرفينى بنفسك؟؟؟
انا ضحى شتا مصممة اشغال يدويه مختلفه
كيف اتجهتى لخامة الخيش فى تنفيذ أعمالك اليدوية
الخيش خامة لها معزه خاصه في عشقي والخامه المفضله لدي في العمل بحسها زي السهل الممتنع خامه خشنه وسهله في تطويعها واستغلالها وبحسها بتفهمني وبعرف ابدع فيها ولها استخدامات كتير عملت منها الشمطه والمفرش السليبر والاكسسوار والبرواز والعلبه وعملت الباسكت وعلبة المناديل وكمان اكسسوار اللافراح والجيست بوك وورد الكوشه وزيننت االكاسات بالخيش وعمملت الخداديه ومفرش السفره حتي رنر السرير عملته من الخيش والستاره واالاباجوره ومافي شيء الا وعملته من الخيش وكمان عملت الفانوس وزينة رمضان والساعه وكل مايخطر علي بالك
كيف بدأت تظهر موهبتك؟؟؟؟ وهل للأهل دور فى تنمية موهبتك؟؟؟
انا بدأت شغلي من زمان لان متربيه في بيت كله ابتكار والدي كان خطه حميل وبيرسم وماما كانت بتطرز سواريهات وبتشتغل تريكو وكروشيه ًوكانت بتفصلي لبسي وبتطرز بالخيط ومبتكره وهي نمت فيه حب الاشغال اليدويه
هل كل للمدرسة دور فى دعمك فنيا ؟؟؟
المدرسه كانت عليها عامل كبير في تنمية مهاراتي لان مدارس الراهبات بيهتموا بحصص الاشغال والابتكار والموسيقي والرسم وكبرت معايه ولما خلصت دراستي
ما البداية مع الأشغال اليدوية وكيف بدائتى أول مشروع خاص بيكى؟؟؟
عملت اول مشروع وانا عندي 17 سنه كان مشروع مكراميه اتعلمتها من مجلة البوردا وكنت بجيب
موديلات جديده من المجله وصور بشتريها من موزع الخيوط كانت صور مستورده لمودلات جديده ومميزه واول ما انتشرت بطلتها لان بحب التميز والابتكار
لماذا توقفتى لفترة عن الأشغال اليدوية وكيف قررتى العودة مرة أخرى؟؟؟
وبطلت فتره لزواجي وسفري وبعدت فتره كبيره ورجعت تاني لما رجعت بعد انقطاع 15 سنه وعدت عوده قويه بمنتجات الخيش وابتكارت الشغل المجسم البارز
كيف طورتى نفسك وشغلك؟؟؟؟
واشتغلت علي نفسي كتير ولما عرفت النت والميديا بقيت ادخل اشوف افكار وتقنيات التشطيب والدقه وبقي ليه طابع في شغلي واستايل اي حد بيشوفه بيعرف ان ضحى شتا هي اللي عملاه واخدت لقب ملكة الخيش بعد صبر ومجهود سنين والحمد لله طورت من نفسي واخدت دورات مختلفه في مجالات مختلفه تساعدني في شغلي وتوظيف الكورس في اعمالي
ما الصعوبات التى تقابلك فى عملك؟؟؟
كسائر من يعملون فى مجال الهاند ميد الصعوبات هى الغلاء فى سر الخامات والتسويق
ونحاول جميعا تخطى هذه العقبات
ما طموحاتك وأحلامك فى مجال الأشغال اليدوية
حاليا مش اكتر من اني اقدر اشوف شغلي بصوره محترمه تليق بمسميات الهاند ميد اللي لسه بدري اوي على ما المجتمع المصري يوصله مفهوم عمل يدوي ويقدره
وفى نهاية حوارى مع الصديقة العريزة ضحى شتا لا يسعنى القول إلا إنها استحقت
بجدارة لقب ملكة الخيش فهى ملكة متوجة على عرش جمال ورقى ابداعتها

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى