فن ومشاهير

حوار | محمد رحيم .. انا مش بهاجم اغانى المهرجانات بس يوجد فن قوى و فن ضعيف وانا ضد اى فن  ضعيف

 محمد رحيم .. الفنان  برند مش تريند ايه الفايدة انى اطلع تريند يوم او يومين وبعد كدة الناس تنسانى
محمد رحيم .. يوجد إختلاف كتير فى المزيكا و لو لاحظت هتلاقى فى اختلاف فى الذوق العام 
محمد رحيم .. انا مش بهاجم اغانى المهرجانات بس يوجد فن قوى و فن ضعيف وانا ضد اى فن  ضعيف
هو فنان   بدء حياته  كمحلن  و اتجه بعد ذلك ، إلى الغناء حيث أصدر أول ألبوماته عام 2008 بعنوان “كام سنة” وقدم منه على طريقة الفيديو كليب أغنية “عارفة” بالإضافة إلى عدد من الأغاني المنفردة منها “أجمل ما شافت عين”  و”رحيمو”

 تجاوزت أعماله الـ900 لحناً، تنوّعت ما بين الأغاني والاستعراضات والموسيقى التصويرية للأعمال الدرامية والإعلانات 

يعيش حاليا ” رحيم ” حالة من النشاط الفنى حقق نجاح باهر باغنية يامستعجل  فراقى للمطرب محمد ثروت و انتهى من الحان   تترات مسلسل لحم غزال   تحدثنا معه  فى حوار خاص  لـــ  مجلة ”  مملكتى ”  .
حوار : احمد حمدى
تصوير : محمد الشيمى 
مبروك اغنية يامستعجل فراقي للمطرب محمد ثروت بجد حاجه تحفة كلمني عن فكرتها شوية ؟
ده مش اول تعاون بينى وبين الفنان محمد ثروت فى اكثر من عمل وطنى خلال الفترة الماضية  .
يا مستعجل فراقى هى الاغنية التانيه لثروت لاننا سجلنا أغنية الاول وانا عرضت عليه  اننا ناجلها شوية و اقترحت تسجيل اغنية دراما وكانت  وجهة نظرى إن الاغنية تكون هادية و تظهر صوت واحساس  محمد ثروت اكتر وكنت عاوز الناس تسمع صوت محمد ثروت باحساسه وفى النهاية محمد ثروت حب الفكرة و عجبته وبعد كدة نفذنا على طول ونزلت والحمد لله نجحت وسعيد بهذا النجاح وسعيد بردود افعال الجمهور الجميله 
 ازاي فعلا قدرت تغير جلد محمد ثروت والاغنية تريند من يوم مانزلت؟
مش فكرة بغير جلد بس أنا  اى عمل بكون شغال عليه بيكون بالنسبة ليا ولادة جديدة و كانت وجهة نظرى إن الفنان محمد ثروت موهوب و صوته من الاصوات الرائعة  وكنت عاوزه يرجع بشكل مختلف ومؤثر فى الناس وانا كنت مراهن على نجاح الاغنية عشان فيه احساس وشجن وكلمات رائعة من الشاعر  تامر حسين 
هل فيه  مشاريع تانية بينكم في الفترة الجاية ؟
فعلا فيه عمل تم الإنتهاء منه وكان من المفروض ينزل قبل يا مستعجل فراقى .
رحيم  ايه اللي انت شايفه اختلف دلوقتي في سوق الكاسيت عن زمان من وجهة نظرك و تطور المزيكا ؟
حاليا لايوجد كاست وطبعا لو هتعمل مقارنة كدة هتظلم ناس كتير بس دلوقتى يوجد إختلاف كتير فى المزيكا و لو لاحظت هتلاقى فى اختلاف فى الذوق العام اخر سنتين هتلاقى فيه تغير وانا مع التغير على فكرة و التجديد الدائم لانه بيظهرلك مزيكا جديدة ومختلفه 
لونرجع شوية لبدايات محمد رحيم كانت امتي ومين اول حد اشتغلت معاه؟  
من ايام المدرسة واول واحد اشتغلت معه كان عمرو دياب وكان حميد الشاعرى جاى عندنا فى ندوة فى الكلية وقابلته وسمعته حاجات وتانى يوم كنت عنده فى الأستوديو وقابلت عمرو دياب 
رحيم  بتفرق معاك لما تشتغل مع مطرب مصري واخر عربي وايه الفرق في التعامل واكتر مطرب ريحك في الشغل معاه؟
مفيش فرق فى التعامل مع النجوم لأن لما بشتغل بنسى اصلا ده جنسيته ايه بس اللى يهمنى اكتر الاغنية المصرية وده مشروعى الاساسى ويهمنى اولاد بلدى ويهمنى ايضا ان يكون عندنا مطربين ومطربات  كتير و ناجحين . 
لحنت اغاني كتيرة اوي ياترى اكتر اغنية قريبة منهم لقلبك؟ 
السؤال دايما بيتسالنى كتير ومش بعرف اجاوب عليه الصراحة لأن كل اغنية بتكون قريبه لقلبى و بيكون ليها ذكريات جميله معايا .
رايك ايه  فى اغانى المهرجانات  ؟
انا مش بهاجم اغانى المهرجانات بس يوجد فن قوى و فن ضعيف وانا ضد اى فن  ضعيف ،الفن رسالة اى حد شغال فى مجال الفن حاول تقدم رسالة حاول تقدم كلمات حلوة حاول تسمع الناس مزيكا مش دب وخبط قدم مزيكا مختلفة بس تكون مزيكا بجد كل ده هيكون ليه اثر ايجابى على الناس فى الوقت الراهن و المستقبل كمان . 
عاوزين نعرف تفاصيل العمل بينك وبين الفنانه ميادة الحناوى  ؟ 
فى مشروع مع الفنانه القديرة ميادة من فترة كبيرة من حوالى سنة ونص والمشروع قائم بس لازم يكون عمل كويس ومختلف نقدر نقدمه للجمهور .
عارفين ان صوتك حلو وقدمت ألبوم قبل كده وحقق نجاح كبير لي مش بتكرر التجربة؟
سبب تأخر نزول الالبوم هو التلحين كل أغنية بتاخد منى شغل كتير و تحضيرات الاغنية ممكن تاخد منى وقت من شهر لشهرين . 
هل يوجد اعمال فى رمضان ؟ 
توجد ادعية هتنزل فى شهر رمضان المبارك من غنائى و تلحينى و هتكون مختلفه واتمنى تعجب الجمهور .
احنا عارفين إنك مهتم باكتشاف المواهب الجديدة ؟ 
من فترة كبيرة وانا مهتم بالمواهب الجديدة لأن بلدنا ملينا اصوات حلوة و ملحيين و موزعين وشعراء  لازم ياخدو فرصتهم وحقهم وفى الفترة اللى جايه هتسمعوا اصوات حلوة جدا من المواهب 
هل مقياس نجاح الفنان بالتريند ؟
لأ  طبعا الفنان ده برند مش تريند ايه الفايدة انى اطلع تريند يوم او يومين وبعد كدة الناس تنسانى الفنان هو اللى بيصنع اسمه بعد تعب وجهد ومشاقه ليه لحد دلوقتى اغانى الزمن الجميل عايشة معانا عشان دول تعبوا واجتهدوا لحد لما بقوا عملاقة الغناء  وزمان مكنش فيه تريند ولا حتى سوشيال ميديا .
مش بتفكر تعمل كليب ويكون بطلة الكليب انوسه ؟ 
احنا عملنا مع بعض كليب الفرح و كان مردوده كويس بين الناس وبفكر فعلا اننا نعمل كليب  جديد مع بعض .
طيب لو فكرة فى كليب جديد لانوسه  هيكون فيه اسود ونمور ؟ 
لاطبعا كدة هنخوف الناس  بس ممكن نستعين  بــــ  اسد او نمر صغير لكن اسد كبير هيكون صعب الصراحة

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق