فن ومشاهير

حوار| محمد ثروت ..فيلم ريما تجربة جديدة واتمنى أن  ينال اعجاب الجمهور 

 محمد ثروت :
فيلم ريما تجربة جديدة واتمنى أن  ينال اعجاب الجمهور 
أعشق  الفنان بشكل عام واتمنى تقديم ادورا جيدة للجمهور 
سعيد بردود الأفعال تجاه ريما 
هو فنان يمتلك الموهبة وخفة الدم يجسد الشخصية الكوميدية على أكمل وجه ،صاحب أكثر ايفهات الكوميديا برز الفنان محمد ثروت فى العديد من الاعمال وكان دوره مؤثر جدا فى هذه الاعمال منها شخصية ” عربى ” فى مسلسل عفاريت عدلى علام مع الزعيم عادل إمام، ومسلسل ” أرض النفاق ” مع الفنان محمد هنيدى ،وفيلم جحيم فى الهند مع الفنان محمد إمام. 
يعيش حاليا ” ثروت ” حالة من النشاط الفنى حيث طرح فيلم ريما الذى حقق اعلى إيرادات  بدور العرض ، ويصور حاليا ” اللعبة الجزء الثانى ” تحدثنا معه  فى حوار خاص  لـــ  مجلة ”  مملكتى ”  .
حوار : احمد حمدى 
كلمنا عن تجربتك الجديدة فى  “ريما ” ؟ 
هى كانت تجربة جديدة عليا و غيرت جلدى وسعيد بالتجربة و اتمنى الفيلم يعجب الجمهور و يعجبهم دورى بعيدا عن الكوميديا . 
ماهى الشخصية التى تجسده فى الفيلم ؟ 
بجسد شخصية شريرة وللاسف مفيش اى إفهات كوميدية  فى الفيلم . 
قرار انك تبعد عن الكوميديا مكنتش خايف من  الخطوة دي ؟ 
لأ مكنتش خايف لأنى فى الاول والاخر ممثل، فكرة الفيلم عجبتنى و الدور شدنى و استفزنى جدا وجمعنى بالمخرج معتز حسام  جلسات عمل لمناقشة  السيناريو وتفصيلة الدور وتم التقارب لوجهات النظر و اشتغلنا على الفكرة عشان تطلع بالشكل اللائق للسادة المشاهدين و الجمهور 
كلمنا على كواليس العمل ؟ 
كواليس العمل كانت جيدة بينى وبين فريق العمل والضحك والهزار كان بين الجميع أثناء التصوير 
ممكن نشوف تجارب مشابهة لفيلم ريما ؟ 
لو العمل استفزنى وشدنى هعمله على طول و اى عمل بشكل عام يكون جيد هعمله على طول  مش هتردد فى التفيذ والاعمال الترجيدى اعمال مشوقه وبها احداث مثيره 
هل في أعمال  جديدة بتستعد ليها الفترة اللي جاية ؟ 
حاليا بصور فى اللعبة الجزء الثانى مع شيكو و هشام وفى كذا سينايور بس مختش قرار فيهم 
فى اعمال فى دراما رمضان القادم ؟ 
بنجهز حاليا لبين السماء والأرض مع المخرج ماندو العدل 
لو اتعرض عليك فيلمين الاول كوميدي والتاني تراجيدي هتقبل ايه ؟ 
الكوميدى طبعا انا عاشق للكوميديا 
ممكن نشوفك مع الزعيم عادل امام فى اعمال تانيه ؟ 
ياريت واتمنى فعلا المشاركة مع الزعيم فى اى عمل للمرة الثالثة الزعيم عادل إمام مدرسة الكوميدية 
عاوزين نعرف التعاون جه ازاى بينك و بين زوجتك الفنانة منى جمال  فى ريما ؟ 
احنا جمعنا  اعمال قبل كدة بس تليفزيون لكن السينما ريما يعتبر اول مرة سينما و سعيد بهذا التعاون  
هل ممكن نشوفك فى اعمال تانى مع منى ؟ 
طبعا وهكون سعيد بهذا العمل لانها شريكة حياتى 
تتمنى ايه فى ٢٠٢١ ؟ 
اتمنى تكون سنه سعيدة علينا جميعا بإذن الله و تكون كورونا اتكلت بقى وسبتنا فى حالنا  

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق