فن ومشاهير

حوار | عبير سليمان..كان تحدى كبير ليا انى اكتب دراما شعبية بتنتمى للحارة المصرية وعمرو سعد ومصطفى شعبان عاملين حالة فى الشارع المصرى

عبير سليمان : 

كان تحدى كبير ليا إنى اكتب دراما شعبية بتنتمى للحارة المصرية وكانت صعبه جدا

إستعنت ببعض  فيديوهات لشباب داخل الحارة المصرية لمعرفة كل تفاصيل الحارة الشعبية

الرسالة المواجهة للناس هى الأصدقاء و قيمة الصداقة وبنقدمه فى ملوك الجدعنه بمعالجة جديدة لسلام يا صاحبى

عمرو سعد ومصطفى شعبان عاملين حالة فى الشارع المصرى وبينهم كميا كبيرة

محصلش تدخل بشكل مزعج بس كان فيه نقاش عن مسار العمل و محاور الشخصية لكل واحد والنقاش كان بينا كلنا وكل ده كان فى صالح العمل ونجاحه

 

هى مؤلفة قامت بتأليف العديد من الاعمال الدرامية منها القمر أخر الدنيا، إلا أنا، الطبال، لعنة كارما

تعيش حاليا ” عبير سليمان  ” حالة من النشاط الفنى حيث حققت   نجاح باهر بعد تصدر مسلسل ” ملوك الجندعة ”  التريند من بعد عرضه بحلقتين الذى يعرض حاليا على قناة MBC مصر بطولة مصطفى شعبان ، وعمرو سعد تحدثنا معها فى حوار خاص لـــ  مجلة ”  مملكتى ”  

  حوار : احمد حمدى 

كلمينى عن فكرة المسلسل جتلك إزاى ؟ البعض شبه المسلسل بفيلم سلام ياصحبى ردك على الموضوع ده ؟

فكرة المسلسل هى فكرة أحمد خالد موسى ولما إتكلمنا قولنا لو هنعمل سلام ياصحبى لسنة ٢٠٢٠ هتبقى ازاى وإللى ساعدنا أكتر إن شركة الانتاج هى صاحبة الحقوق الملكية لفيلم سلام يا صاحبى وإتفقنا إننا هنعمل إعادة للفيلم بس بتفاصيل النهاردة فى الحارة المصرية واحنا عملنا إعادة للاحداث والحمد لله المسلسل عامل حاله كويسه فى الشارع المصرى والكل متابع ملوك الجدعنة

الرسالة اللى انتى عاوزة توصليها للناس من خلال المسلسل ؟
هو عمل تجارى موجه للطبقة الشعبية عمل اكشن قائم على فكرة الصداقة والطموح وفئة مهمشه ، هتلاقى كتير موجود منهم فى وسطنا شابين متعلمين تعليم متوسط بيعفروا فى الدنيا عشان يكسبوا فلوس بالحلال عشان يعيشوا بيها وفى ظل الاحداث بيحصل مواقف بتنقلهم الى نقلة تانيه الرسالة المواجهة للناس هى الأصدقاء و قيمة الصداقة وبنقدمه فى ملوك الجدعنه بمعالجة جديدة لسلام يا صاحبى

كنتى متوقعه ان المسلسل كل يوم يتصدر التريند ؟

إحنا كنا بنسعى للنجاح طبعا بس إن المسلسل يعلم مع ناس و يتفاعله معه مكنتش متواقعها وبالذات إن المسلسل تريند على طول إحنا بنقدم مسلسل شعبى بلغة مختلفة وجميع العناصر إللى موجودة كانت مبشرة بالنجاح وإجتهاد فريق العمل كان من أسباب النجاح ولكن يبقى النجاح من عند ربنا وتقبل الناس للمسلسل ومشاهدة ومتابعة وتفاعلهم دى من الحاجات إللى منقدرش نضمنها وهى بتكون توفيق من عند ربنا وفى الأخر تقبل الجمهور حب المسلسل أو محبش المسلسل فده الفيصل فى فكرة هنتصدر التريند ولا لأ والحمد لله سعيدة بنجاح العمل وتصدرنا التريند والنجاح بيعوض أى تعب

كلمينا بردو عن تقديمك الدراما الشعبية لأول مرة ؟

كان تحدى كبير ليا إنى أكتب دراما شعبية بتنتمى للحارة المصرية وكانت صعبه جدا خصوصا انى متربتش ولا عشت داخل الحارة،وكان تحدى إنى أكتب عن عالم أنا معشتش تفاصيله والمنطقة دى مفيش ست كتبت قبل كدة فى الدراما الشعبية استعنت ببعض  فيديوهات لشباب داخل الحارة المصرية لمعرفة كل تفاصيل الحارة الشعبية

معروف شوية عن مصطفى شعبان انه بيتدخل شوية في سيناريو العمل هل ده حصل معاكى في مسلسل “ملوك الجدعنة” ؟
محصلش تدخل بشكل مزعج بس كان فيه نقاش عن مسار العمل و محار الشخصية لكل واحد والنقاش كان بينا كلنا وكل ده كان فى صالح العمل ونجاحه وهو ده إللى كنا بنسعى إليه نجاح العمل والوصول لقلوب المشاهدين

رأيك في الثنائى مصطفى شعبان وعمرو سعد مع بعض والكل فعلا حاببهم ؟

عمرو سعد ومصطفى شعبان عاملين حالة فى الشارع المصرى وبينهم كميا كبيرة فى المسلسل والحمد لله ده باين على الشاشة والجمهور حاسس بيهم والاثنين عاملين دورين مختلفين عن الأعمال السابقة هما نجمين كبيرين وقدروا يوصلوا للناس من أول حلقة و الحمد لله الجمهور حاسس بيهم فى العمل و بيتفاعل معهم

ياترى تابعتى مسلسلات السنة دى ؟

هو أنا حاليا مشغوله بتصوير ملوك الجدعنه، بس للاسف مش بتابع اى مسلسلات فى رمضان بحب أتفرج على المسلسلات مرة واحدة بس بتاع الاعمال بعد رمضان 

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق