Tv-فضائياتفن ومشاهير

حوار |« رزان مغربى».. التواجد فى رمضان مهم سواء فى البرامج الحوارية أو برامج المسابقات أو الأعمال الدرامية وسعيدة بردود الأفعال

رزان مغربى : 

النجاح بيجى بعد تعب وإجتهاد من كل فريق العمل وبحمد ربنا  على النجاح ده

التواجد فى رمضان مهم سواء فى البرامج الحوارية أو برامج المسابقات أو الأعمال الدرامية

أنا أعشق المهرجانات،  لأنها مزيكا مريحة وممتعة تشعرك بالسعادة والطاقة، وبالتأكيد أحب تقديم  اغانى المهرجانات 
سعيدة بردود الأفعال وبشوف كل التعليقات على السوشيال ميديا وبكون مبسوطه بيها جداً 
أنا عاشقة للمسرح ويوجد حاليا مشروع مع وزارة الثقافة وهيكون على مسرح البالون 

هى موهبة فرضت نفسها بثقافتها ورشاقتها أمام الشاشه تجمع بين الغناء و التمثيل ومقدمة برامج بتقدم السهل الممتنع بتقدر توصل لقلوب الناس بسرعة

هى الفنانة  والاعلامية« رزان مغربى» تحدثنا معها  فى حوار خاص  لـــ  مجلة ”  مملكتى ”  

حوار : احمدحمدى

 

فى البداية عاوزين نعرف فكرة البرنامج جتلك ازاى ؟ 
التواجد فى رمضان مهم سواءفى البرامج الحوارية أو برامج المسابقات أو الأعمال الدرامية، فكرةالبرنامج كانت مختلفة قررنا مع إدراة « إم بي سى» إننا ننزل الشارع الرمضانى المصري الممتع والبرنامج هو  برنامج ترفهي وتنافسي للجمهور فى جو رمضانى ممتع
عاوزين نعرف تفاصيل تعاونك مع مهيب فى البرنامج؟ 
هذا ليس أول تعاون مع مهيب إحنا إشتغلنا مع بعض فى أعمال قبل كدة منهم اللعيب ومن روسيا التحية 
كلمينا على الكواليس بينك وبين مهيب ؟
علاقتنا قويةو الكواليس اللي بينا كلها هزار وضحك 
كنتى تتوقعى نجاح البرنامج ؟ وماذا عن ردود الافعال إللى جتلك ؟ 
النجاح بيجى بعد تعب وإجتهاد من كل فريق العمل وبحمد ربنا  على النجاح ده، ردودالأفعال كانت كتير حلوه وسعيدة بيها وبشوف كل التعليقات على السوشيال ميديا وبكون مبسوطه بيها جداً 
ماهو الجديد عند رزان فى الغناء ؟ 
هصور بعد رمضان الكليب الجديد فى لبنان إذا الطيران سمح لينا بالسفر وكلنا عارفين إن أغلب الطيران مقفول بسبب كورونا
رأيك ايه فى أغانى المهرجانات؟وهل ممكن نشوف رزان بتغنى مهرجانات ؟ 
أنا أعشق المهرجانات،  لأنها مزيكا مريحة وممتعة تشعرك بالسعادة والطاقة، وبالتأكيد أحب تقديم  اغانى المهرجانات 
ليه مش بنشوف رزان بتغنى فى تترات المسلسلات؟ 
لم يعرض عليا غناء تترات مسلسلات الدراما وإذا عرض عليا  سوف أقوم بالغناء 
عاوزين نعرف كواليس فيلم صابر وراضى ومين إللى رشحك للدور ؟ 
إللي رشحنى الفنان أحمد أدام و المنتج محمد السبكى، كواليس العمل كانت ممتعه للغاية مع كل فريق العمل 
إنتى قدمتى شخصية مختلفة وقدمتى دور جديد لم تقديمه من قبل فى صابر وراضى إزاى حضرتى للشخصية ؟ 
أنا كل شخصية بقدمها بطريقة مختلفة  وأغلب الشخصيات  بتكون قريبه ليا وأنا حياتى منظمة جدا وهذا بيساعدنى جدا فى شغلى 
عاوزين نعرف الكواليس  بينك وبين أحمد أدم ؟ 
تربطنى صداقه قوية بالفنان أحمد أدام هو نجم كومديا رائع الكواليس معه كانت رائعة وممتعه فى نفس الوقت، وأيضا كانت تجمعنى بكواليس أكتر من رائعة مع الفنان محسن محى الدين 
ليه رزان مختفيه عن الدراما ؟ 
مش مسألة مختفيه بس أنا بحب السينما أكتر من الدراما،الدراما نفسها طويل عن السينما وأنا من أصحاب النفس القصير، و سوف أبدأ تصوير بعد العيد،  مسلسل  وسوف يعرض على منصة شاهد، و المسلسل الثاني 60 حلقة، أتمنى أن ينال إعجاب الجمهور.
يا ترى  تابعتى مسلسلات ايه فى رمضان ؟ وايه اكتر مسلسل شدك ؟ 
هو للأسف أنا مشغولة جدا فى تصوير البرنامج ومش متابعة غير مسلسل ” ملوك الجدعنة ” هو كتير مسلسل حلوه ومكتوب بطريقة حلوة وعمروسعد ومصطفى شعبان عاملين شغل حلو و معلمين مع الناس.  
هل ممكن نشوف رزان فى أعمال مسرحية جديدة ؟ 
أنا عاشقة للمسرح وأنا فى الجامعه كنت طول الوقت بعمل مسرحيات إستعراضية غنائية، فى مشروع مع وزارة الثقافة وهيكون على مسرح البالون 
هل توجد أعمال جديدة فى السينما الفترة القادمة ؟
حاليا لاتوجد أى أعمال سينمائيّة 

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق