رياضه عربية وعالمية

حدوتة مطبخ

اكله هنية تكفى مية وايد ع ايد تساعد مع مشوار رضوى مع اشهى الاكلات

انا رضوى 34 سنه
ام لبنتين
حبى للطبخ والمطبخ ليس له حدود … وكان الداعم الاساسى ليا ابويا الله يرحمه كنت مبهورة بطريقه طبخه ووقفته ف المطبخ مبهرة استخدامه للادوات والمقادير والاهم شكل تقديم الاكل ….. بااقل الامكانيات كبرت وابتديت احب ده كدة واعشق وقفتى ف المطبخ ابتديت من 5سنوات وده عمر بنتى التانيه ابتديت مشروع صغير انا واختى وحماتى 1500كل واحد حط 500ج وابتدينا نعمل صفحه ونصور الاكل البيتى ونبيع ونجيب كل الادوات المتاحه اللى توفر علينا المجهود وده كان ف شقتى … والحمد لله كسبت بس مقدرتش اكمل لان كان بيتطلب منى كميات كبيرة وف اوقات برده مناسبات زى الاعياد ورمضان لقيت ده بيجى على بيتى فااضطريت اوقف …. من سنتين ابتديت اعمل قاعدة لا بأس بيها من الاصدقاء وابتدى اتجه للحاجات الفروزن اللى ممكن اعملها ف البيت ف الوقت اللى بناتى الصبح ف المدرسه وميأثرش على مذاكرتهم او اهتمامى بيهم وفعلا زوجى شجعنى وقالى انا معاكى وبقى يساعدنى ف اوقات كثير ف تظبيط الشغل …. ابتديت المشروع والله بنص كيلو بانيه كتجربه وبعتها وبعدين كيلو مفروم وبعتهم وكسبت بعدين لقيت اللى خدهم طلب تانى قلت خلاض هبدا براس مال بسيط وليكن 1000ج وانا كدة مش خسرانه حاجه حتى لو متبعاش الحاجه هستخدما ف البيت … ولقيت الدنيا بقت كويسه والحمد لله بكسب وراضيه بالمعدل ده …. بس بتعرض اوقات ل احباط اما الاقى الناس بيشتروا نفس نوعيه الاكل اللى بعملها ومبسوطين انها ارخص ….. واقول طيب صحه اولادهم وخاصه ان الفئه العمريه اللى نوعيه اكلى مناسباهم الاطفال …. يعنى البرجر او تشيكن ناجتس او ستربس او بانيه …. اسهل واطعم اكل هما دايما بيطلبوه …. طبعا اللى يميز حاجاتى انى بجيب نفسى الخامان اللى بستخدمها ف بيتى مش اقول اوفر عشان اكسب ابدا ويمكن ده سر تميزى والناس بتحسه ف جودة الاكل فعلا

كان جمهورى الصغير بناتى اعمل الوصفه واستنى رايهم توكلت على الله وعملت جروب جديد والحمد …
حلمى الحقيقى يبقى عندى مطعم او كاترينج كبير …. والمرة دى انا متحمسه ومش هسيب حلمى يضيع … ومش هسيبه الا لو هو سابنى

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق