مملكتي بتقولك

جارى البحث عن من يفهمنى

بقلم الاعلاميه / دينا سمير موسى

الكلام دا للرجال والنساء

انا بستغرب اوى لما الاقى واحد او واحده كاتبين مش لاقى حد يفهمنى وياترى اقدر الاقى نصى التانى اللى يكملنى
وانا سبب انفصالى ان الشريك مش فاهمنى
وانا خلاص مش عارف انا عاوز ايه وضايع وتايه

و تلاقى الشخص دا عاش كام مووود وحاله فى بوست واحد
طيب بالله عليك اذا كان انت او انتى مش فاهمين نفسكم
ازاى غيركم يفهمكم

خالو بالكم ياجماعه تقلب المزاج والحاله عند الشخص
دى اكتر شئ يخلى اى حد قريب منو يبعد

لانو هايلخبطلو حياتو
خاليكو واضحين مع نفسكم الاول
وشوفو انتم عاوزين ايه انت او انتى مش عايش عشان تبقى تحت رحمت اى حد هايفهمك

او تسخر اى حد انت فاهمو وعارف مفاتيحو

لالالا مش كده خالص
حاولو تستفيدو من اخطائكم فى التجارب اللى فاتت
مش شرط تكونو مذنبين

ممكن تكون ضحيه بس اكيد فى سبب سلبى حطكم فى الوضع دا
لازم يتعالج …. انتم ممكن تلحقو الباقى من حياتكم وتعوضو اللى الفات
بس اتعبو على نفسكم شويه وخلو نفسيتكم مستقره

لكن طول ما انتم بتقضو الوقت مابين كلمه تسمحلى .. ممكن نتعرف .. او ممكن نجرب
هاتلفو وترجعو لنقطه الصفر تانى وتتأكدو من فشلكم اكتر

ابدأ بنفسك
يعنى تخلى نفسيتك وحالتك مستقره حيث اى حد تمناك او يتمناكى

حدد هدفك
شوف انت عاوز ايه بالظبط واسعى ليه ادام واثق فى نفسك

قرب من ربك
لان هو اللى هايحللك الاتنين اللى فوق والمسقبل اللى جاى
هو اللى شايف مش انت
وصدقنى عمرك ما هاتندم

يارب يرزقكم الخير من حيث لا تحتسبو
اخوتى واخواتى

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
إغلاق