ثقافة وفن

بهرب منك وأرجع لك

بقلم//أماني العطار

بهرب منك وأرجعلك
أشتاق لصوتك
وأسمعلك
ومهما قولت …خلاص هبعد
ياقلبي قاوم… كدا وإعند
قلبي بسرعه يخضع لك

ما أعرفش قلبي
جراله إيه
بحبه يهرب ويخبيه
ويرجع بسرعه
مشتاق ليه
مشتاق يضمك
ولا يمانعك

بهرب منك وأرجعلك

اللي قابلي نصحوني
لاموا عليه ولاموني
قالولي عن حبك أبعد
لقيت عيونك
خطفوني

وأهرب منك وأرجعلك
تضم قلبي… ولا أمانعك
ألاقي نفسي بخضعلك
تقول? بحبك?
وأسمعلك

ما أعرفش تاني يجرالي إيه
أول عيني… ما تيجي في عنيه
قلبي يلمس…. نبض إيديه
يدق قلبي…. وقولوا ليه
إهرب بسرعه…. عن عنيه
يهرب ثواني
ويدق تاني
ويقول عاشق
حبك ليه

عرفت ليه برجعلك
وقلبي عاشق
يسمعلك
بإيدي بهرب وأقول هداويه
بحبي يرجع …ويقول ناديه
ولا مره يقدر
على بعدك
بهرب منك وأرجع لك

الوسوم
اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق