مطبخ مملكتي

بسكويت الدايجستيف

مقدم من مطبخ الشيف إيمان كامل

 

 

 

 

‎- حبة بسكويت واحدة سادة = ٧١ سعر حراري

‎- ممنوع نهائي تبديل او تعديل المقادير في الوصفة ، نفس المكتوب بالظبط يتعمل

‎- الكوب المستخدم للعيار هو مج الشاي الزجاجي

‎- جميع المقادير تستخدم بدرجة حرارة الغرفة

‎- نوع الشوفان المستخدم في الوصفة مكتوب على العلبة شوفان رقائق كاملة او الشوفان التقليدي (whole or traditional ) النوع ده هو اللي بيستخدم للخبز و الكيك و الافطار لانه عالي في الألياف و طعمه حلو و كريمي

‎- انواع الشوفان التانية زي سريعة التحضير او الشوفان الأبيض قوامها ارق ، كمية الالياف فيها قليلة و مصاف اليها سكر و ملح و منكهات

‎- الوصفة بتعمل ٢٨ حبة بسكويت نفس حجم الصورة او ما يساوي ٤٢٠ جم

 

‎المقادير :

 

‎نصف كوب رقائق الشوفان الكاملة و نزود عليه كمان معلقة كبيرة رقائق شوفان كاملة

‎نصف كوب دقيق ابيض و ننقص من مقدار الدقيق معلقة كبيرة

‎نصف كوب دقيق اسمر ( دقيق بر أو دقيق حبة القمح الكاملة ) و ننقص من مقدار الدقيق معلقة كبيرة

‎نصف كوب سكر بني

‎نصف كوب زبدة = ١٠٠ جم و تكون بدرجة حرارة الغرفة

‎معلقة صغيرة بيكنج بودر

‎نصف معلقة صغيرة فانيليا

‎ربع معلقة كبيرة ملح

‎حليب سائل من ٣ – ٥ ملاعق كبيرة حسب ما تتكون عجينة معاكي – اخد معايا ٥ ملاعق كبيرة

 

‎الطريقة :

 

‎١- في الكبة نضع رقائق الشوفان و تطحن ناعم ، ثم توضع في طبق عميق

‎٢- ينخل نوعين الدقيق ، الملح ، الفانيليا ، البيكنج بودر ثم يضافوا الي الشوفان المطحون

‎٣- نضيف السكر البني و الزبد و نخلط جيدا حتى تختفي الزبد و نلاقي الخليط له ملمس رملي – الخطوة هنا ممكن تستخدمي الفودبرسسور –

‎٤- نبدأ في اضافة الحليب ، نضيف الاول ٣ ملاعق كبيرة و نقلب مع الخليط و ناخد جزء من الخليط بإيدينا و نضغطه لو تماسك يبقى ما نضفش حليب تاني ، لو لسه نضيف الحليب معلقة بمعلقة و نكرر نفس الخطوة لحد ما الخليط يمسك

‎٥- عند تماسك الخليط نجمعه على شكل كرة متماسكة و نحطه في كيس بلاستيك في الثلاجة لمدة نصف ساعة

‎٦- نخرج الخليط من الثلاجة و يفرد بالنشابة اما على ورق زبدة او كيس بلاستيك الي سمك متوسط

‎٧- يقطع بقطاعات البسكويت او كوب او اي شكل دائري مناسب عندك و اللي بتستخدميه للتقطيع غطسيه الاول في الدقيق علشان ما يلزق في العجينة

‎٨- يوضع البسكويت في صواني الخبز و يخرم الوجه بالشوكة و يخبز في فرن مسخن مسبقا على حرارة ١٦٠ درجة في الرف الأوسط

‎٩- البسكويت مش بياخد وقت يدوب ١٠ دقائق ، و علامة السوا انه يمسك من تحت و ياخد لون زي اللي في الصورة ، فيه واحدة مقلوبة في الصورة علشان نشوف اللون من تحت

‎١٠- يترك البسكويت حتى يبرد تماما ثم يعبأ في علب محكمة الغلق بعيد عن الضوء و الحرارة

‎١١- ممكن تقديمه سادة او يزين حسب الرغبة بشوكولاته قابلة للدهن او شوكولاته سايحة مع مكسرات …..

البوستات اللي بانزلها حتلاقوها كلها على الهاشتاج ، و كل يوم بانزل بوست جديد الساعة ١٠ صباحا

 

الوسوم
اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق