مقالاتثقافة وفنفن ومشاهير

بدارة هاندميد والوفاء للأم مع إيمان خالد

مقال بقلم/منى منصور السيد

بدارة هاندميد والوفاء للأم مع إيمان خالد
بدارة هاندميد والوفاء للأم مع إيمان خالد

بدارة هاندميد والوفاء للأم

الوفاء للأم وتقديرها واجب مقدس للكل إنسانة أثرت بها والدتها بدارة أسم عزيز جدا على قلب صديقتى الغالية إيمان خالد هو اسم الغالية على حد تعبيرها والدتها رحمها الله وحين أختارت أسم براند خاص بها لم تفكر الا فى أسم بدارة لتخليد ذكرى والدتها وذلك ما جعلنى احب تلك السيدة رحمها الله دون أن أراها فقد أخرجت لنا فنانة أصيلة وشخصية قليلا ما يجود علينا الزمان بمثلها هى صديقتى واختى وامى فى بعض الأحيان الغالية إيمان خالد واليوم أدعوكم لندخل عالم بدارة للأشغال اليدوية كروشية وجلود وخرز وتحف وأكسسوارات وغيرها مما تقنه ضيفتنا اليوم فهيا بنا نتعرف عليها كما صاغت عن نفسها بقلمها الراقى الذى امتعنا دوما بموضوعات عن الأشغال اليدوية والمشتغلين بها فلتشرق علينا من رواء أستار حياتها ………

عرفينى بنفسك؟؟؟

ايمان خالد درست تجاره بدايتى من طفولتى بحب شغل الهاندميد وكان سبب حبى ليه امى الله يرحمها لأنها كانت بتشتغل بعض فنون الهاند ميد زى السيرما وتطريز كنت بحب اتفرج عليها وهى بتشتغل .

إيمان خالد ومجال التدريب
إيمان خالد ومجال التدريب

كيف بدات موهبتك فى الأشغال اليدوية ومن شجعك على ممارستها ؟؟؟

وفى المدرسه كنت بحب حصه الرسم جدا كنت ديما بحب ارسم فساتين على الورق والوانها جدا اشتركت فعل جداريه بالفسيفساء لمدرستى الثانويه وكنت بتمنى ادخل فنون جميله بس مقدرتش لظروف وفاه امى الله يرحمها بعد كده انشغلت بالدراسه والزواج والانجاب ومن ٥سنوات قررت ارجع لشغفى وحبى للهاند ميد اشتغلت حاجات كتير الخرز والإكسسوارات والتحف والكروشيه والجلد الطبيعى
بس اكتر مجالين حبتهم اكتر الكروشيه والجلد الطبيعى .

الكروشية مع الخشب والجلد
الكروشية مع الخشب والجلد

كيف كانت البداية مع الكروشية والجلد الطبيعى؟؟؟وكيف طورتى نفسك ؟؟؟

بدأت بالكروشيه اتعلمت من اليوتيوب وفيديوهات اجنبيه وعملت اول أوردر فحياتى ولقى إقبال وإعجاب كل الناس الحمد لله ومن هنا كانت الخطوه وطورت من نفسى اكتر اخدت كورسات محترفين وبقيت اعمل شغل متقن وده إلى ميز شغلى بعدها ب٣سنوات شدنى الجلد الطبيعى بقيت اتفرج على فيدوهات الأجانب بردو بس هما كانت الوقفه انى قررت اخد كورسات وامارس المهنه بإتقان وبدات بردو الحمد لله وهفضل اتعلم واطور من نفسى لحد ماوصل للمستوى إلى يرضينى وبتمناه بس حبيت اعمل حاجه مختلفه ادمج بين الحرفتين الكروشيه والجلد وفعلا عملت منتجات كتير وعجبت الناس .

كيف إنتشر إنتاجك فى مصر وخارجيا؟؟؟

وطلعت شنطى للنور واول شنطه عملتها سافرت أمريكا ومن هنا كانت البدايه بردو وشنطى بتعجب
العملاء.

ما الصعوبات التى وجهتكى فى بداية ممارسة العمل اليدوى؟؟؟

فالبدايه كانت بتواجهني مشكله التسويق لشغلى بس فضل اعافر واعرض شغلى فكل الأماكن وعلى النت والحمد الله ربنا كرمنى وشغلى سافر أمريكا والسعوديه ولف كل محافظات مصر الحمد لله.
لماذا اختارتى أسم بدارة للبراند بتاعك؟؟؟
عملت براند باسم امى تخليدا لذكراها الله يرحمها بدارة هاندميد وأكراما لها لأنها من شجعنى فى بداية حياتى أن أحب الفنون واتقنها وعندى صفحتى وجروبى وكمان عملت قناه اعلم فيها البنات الصغيرين الهاند ميد وتكون صدقه جاريه لروح امى الله يرحمه وكلهم باسم بدارة هاند مي والحمد لله أسمى معروف فمجالى.

كيف بدائتى فى العمل كمدربة للكروشية؟؟؟

اشتغلت مدربه كروشيه أطفال علمت بنات كتير وكنت ببقى مبسوطه بيهم وهما بيطلعو إنتاج بادهم الصغيره وبيكونو مبسوطين ودربت ستات كتير الحمد لله وحاليا شغاله كورسات اون لاين التجربه جميله وتستحق الحمد لله.

ما الدور الذى لعبته الأسرة فى دعمك ؟؟؟

وكان لزوجى فضل كبير فاتاحه فرص التعلم والمساعده ليا فشغلى وديما بيشجعنى الحمد لله
طموحى انى اسم بدارة يكبر اكتر وكل واحد يكون عندو قطعه من شغلى وبتمنى افتح اكاديميه لتعليم الهاند ميد واعلم اكبر عدد من السيدات لفتح مجالات لهم لزياده الدخل.

ما النصيحة التى توجهها لكل سيدة تمتلك موهبة ؟؟

وبقول لكل سيدة عندها حلم وهدف تفضل ورا حلمها لحد ميتحقق ويكون حقيقه مسموعه وملموسه قدامها واى حد عندو موهبه لازم ينميها ويكبرها وديما يطور من نفسو لأبعد حد العلم دا شئ مهم حتى لو كبرنا فالعمر..

وفى النهاية طبعا سعادتى لا توصف بحوارى معكى يا إيمان وسبب سعادتى أننا فعلا سند لبعض فى حاجات كتير جدا وإن شاء الله نتعاون سويا فى مجال الأشغال اليدوية وده خبر حصرى بنعلنه لأول مرة.

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق