مطبخ مملكتي

بدائل الكريمات والصوصات من مطبخ أم رودينا

أم رودينا

 

الكريمه اللبانى (لطبخ)
مقادير
كوبين لبن سائل
قطعة نستو
م ك قشطة
2 م ك لبن بودرة
2 م ك دقيق
رشة ملح

التحضير
نضربهم بالخلاط وتستخدم فى اى وصفات الطبخ

ملحوظة
ممكن نضع كوب ما وكوب لبن

كريمة الخفق (لحلويات

كوب ماء
علبة قشطة
3 م ك لبن بودرة

التحضير
نضرب كل المكونات فى الخلاط وتستخدم فى اى وصفة حلويات

ملحوظة
ممكن نستبدل كوب الماء بلبن سايل
طريقة صوص التوفى أو الكراميل من الاخر واوو

مقادير

1 كوب سكر خشن ابيض
2 علبة قشطة بوك أو لو عندك قشطة بلدي يبقى تستخدمي (كوباية ونص)
3 معالق طعام زبدة
ربع كوباية ماية عادية

التحضير

في الاول خالص حتحطي القشطة في كوباية وتسخنيها في الميكرويف لمدة دقيقتين أو في حمام مائي لحد ما تسخن كويس جدا وحتظيفي عليها الزبدة تقلبيهم لحد ما الزبدة تدوب من تأثير القشطة السخنة وتسيبيهم على جنب نجيب حلة صغيرة . ونحط مقدار السكر ونحط مقدار الماء ملاحظة مهم جدا مش ها نستخدم أي معلقة أو اي حاجة خالص نحط الحلة على نار متوسطة الحرارة وحنسيبها لحد ما تبدأ تغلي ونتابع كرملة السكر و اول ما اللون يبقى دهبى لازم تضيفي القشطة ولو استنيتي كمان ثواني السكر حيتحرق ونقلبى بمضرب سلك وطبعا قفلنا النار لحد ما ندوبهم نرجعها على النار لمدة دقيقة تاخذ غلوتين ونقفل النار عليها يبرد نعبى والف هنا لية طرق كتير

طريقة سكر مكرمل بطريقة صحيحة

مقادير

كوب سكر
ربع كوب ماء
ثمن ملعقة صغيرة من عصير الليمون.

التحضير
طبقاً للسمك المطلوب، يمكنك تغيير معيار السكر والمياه في الوصفة. كلما كنت تريدها أخف، زد كمية المياه.
يوضع فى حلة صغيرة ويقلب براحة ولما السكر يدوب نضيف الليمون
لما السكر يدوب ويبدء يغلى ما نقلبش فية نهدى النار علية ونراقب اللون وعلشان نمنع تكملت حرق السكر بعد ما نوصل للون المطلوب نجيب حلة اكبر ونضع بها ثلج ونضع الحلة بتاع الكراميل داخل حلة الثلج علشان نوقف الكرملة وناخد بالنا هو بيجمد بسرعة مهم جدا

طريقة الحليب المكثف

مقادير
كوب سكر عادى
كوب حليب مجفف
نصف كوب ماء مغلي
م ك زبدة

التحضير

نضع كلو فى الخلاط ونضرب كويس جدا ونضعها فى برطمان وندخلها الثلاجة و ألف هنا

ثومية بطعم الجاهزة و تحدى

مقادير
2بيض
معلقة ونص صغيرة خل
معلقة صغيرة عصير ليمون
معلقة كبيرة زبادى
فص كبيرة مفروم ثوم
2 م ك دقيق
نص كوب زيت
ملح

التحضير

نضرب البيض بالمضرب على اعلى سرعة وننزل بالخل و الليمون مع الضرب المستمر ونضف الزبادى والثوم كل دة وايدك شغالة بالمضرب ونضيف الدقيق و الملح واحنا مستمرين فى الضرب وننزل بالزيت شعرة هتلقى الخليط بدء يتقل معاكى هو بياخد وقت فى الضرب شوية لحد ما تتقل وتفضيها فى طبق و تدخليها الثلاجة شوية طعهما روعة بالامانة الطريقة مختلفة عن المعتاد

طريقة مايونيز بدون بيض

مقادير

كوب زيت نباتى
2 قطعة نستو
كوب لبن ساقع
م ك خل
رشة ملح

التحضير

نضع كل المكونات فى الخلاط ما عدا الزيت بعد ما نضرب كل المكونات كويس نفتح غطا الخلاط الصغير وننزل سرسوب لحد ما القوام يتجانس ونضعة فى برطمان جاف وندخلة الثلاجة ثم يقدم وألف هنا

طريقة مايونيز بالبيض

مقادير

بيضة كاملة.
كوب زيت نباتي عادي
معلقة كبيرة مستردة حسب الرغبة
معلقة صغيرة عصير ليمون
معلقة صغيرة خل أبيض
رشة ملح
فص ثوم مدقوق حسب الرغبة.

التحضير

نضع البيضة فى الخلاط ومعاها المستردة ونضربهم فى الخلاط وبعدين ننزل بالزيت سرسوب وبعدين نضع الخل والليمون ونضرب وبعدين نضع الملح ونضعة فى برطمان وندخلو الثلاجة و ألف هنا

طريقة اللبن الرايب

لية كذا طريقة وهقولهم
1. تغلى اللبن وتغطى لتانى يوم برة الثلاجة هيروب

2.معلقة خل علية وغطى وسيبي هيروب

3.كيلو لبن + رشة ملح +كوب زبادى
التحضير
هتغلى اللبن وتسبية لحد اما يدفى شوية وبعدين تضيفى علية الملح وكوب الزبادى وتقلبيهم كويس تسبيهم ف مكان دافئ لمدة 6 ساعات متواصلة تضربيهم ف الخلاط وتحفظية ف الثلاجة وكدة بقى لبن رايب

4.كيلو لبن+معلقة زبادى+ رشة ملح ليمون
التحضير
لبن دافى ونضع الزبادى والملح ونقلب ونضعو فى حمام مائى دافى لمدة 3 ساعتا ونغطى وبعدين نضربو فى الخلاط و يقدم

5. او لبن قطع +معلقتين زبادى+نص ليمونة
التحضير
نضعهم فى الخلاط ونضربهم بس كدا ألف هنا

طريقة كريمة الحلوانى (باسترى كريم)

مقادير

4صفار بيض
نصف كوب سكر
2 ملعقة كبيرة نشا
معلقة فانيليا سائلة
2 كوب لبن( او اكثر حسب الاحتياج )
معلقتين كبار ذبدة صفراء

التحضير

يتم تسخين اللبن على النار نضرب الصفار مع السكر و الفانيليا و النشا. يصب اللبن الساخن برفق على خليط الصفار مع التقليب المستمر يعاد صب الخليط في ايناء اللبن و يتم تسخينه و يقلب باستمرار حتى قوام كثيف ثم يضاف له الذبدة و يقلب ثم يصب الخليط في بولة و تغطى بكيس بلاستك لمنع تكوين طبقة حتى تبرد

ملحوظة
تستخدم هذه الكريمة لحشو الاكلير و البروفيت رول و تارت الحلو.

طريقة صوص الفراولة

مقادير

كيلو فراولة مفرومة قطع صغيرة
كوب ونصف سكر بودر
ربع ملعقة صغيرة سائل فانيليا (اختياري)
لون جل أحمر (في حالة الحاجه لزيادة اللون)

طريقة التحضير

تقلب الفراولة مع السكر حتى تتشربه تماماً. ترفع الفراولة على النار المتوسطة وتترك حتى تغلي وتتكثف للقوام المطلوب ويزال أي رغوة أو ريم من على الوجه. يرفع الصوص من على النار وتضاف الفانيليا في حالة الرغبة. يضاف اللون الأحمر في حالة الحاجه.

من الممكن ان يترك الصوص على هذه الحاله أو يضرب في الخلاط للحصول على قوام أنعم ويرجع ذلك للذوق الشخصى

تعبئ البرطمانات بالصوص تماماً بحيث لا يتبقى أي هواء في البرطمان. تترك لتبرد تماماً ومن ثم تحفظ في الثلاجة. في حالة تحضير كمية كبيرة من الصوص يتم حفظة في الفريزر ويظل صالح لمده ٦ شهور

طريقة الجناش بدون كريمة خفق

مقادير
كوب لبن
4 م ك شانتى خام
3 م ك سكر حبيبات ناعمة نوعا ما (مش بودرة)
500 جرام شيكولاتة خام قطع صغيرة
3 م ك زبدة

التحضير
نضع حلة اللبن والشانتى والسكر لحد ما يدوب مع التقليب و يوضع على النار حتى الغليان نقفل النار ونضع قطع الشيكولاتة و الزبدة ويقلب جيدا حتى يتم دوبان الشيكولاتة مع الخليط

يستخدم الجناش فى

الجناش اللامع لتغطية التورتة: يترك الجناش لحد ما يبرد تماما ثم يصب فوق التورتة

لتزين: يوضع الجناش فى الثلاجة من 2 الى 3 ساعات ثم يوضع فى كيس حلوانى ويتم تشكيل على التورتة

لعمل كريمة الشيكولاتة :يوضع فى الثلاجة وقت كافى حتى يكون بارد جدا ثم نقوم بضربة بالمضرب حتى يتغير لونة لافتح اما لو عاوزة تقيل يبقى نضيف ( 3 م ك شانتى بودر) ويتم الضرب جيدا ثم يوضع فى كيس التزين ويتم الاستخدام والف هنا

طريقة بديل النوتيلا

المقادير

كوب سكر بودر
كوب لبن
كوب زيت
4 م ك نسكافيه بالبندق
4م ك كاكاو الاطفال(نسكويك)
4م ك لبن بودر
2م ك كاكاو خام

الطريقة

ضعي اللبن اولا ثم امزجي كل المقادير في الخلاط مع وضع الزيت سرسوب اثناء الضرب

طريقة الكاتشب البيتى

مقادير

كيلو طماطم مقشرة ومفرومه (الوزن كيلو بعد التقشير والفرم)
نصف كوب ماء
ثلاث أرباع كوب سكر
ثلاث أرباع كوب خل
ملعقة صغيرة ثوم بودر
ملعقة صغيرة بصل بودر
ملح
فلفل أسود
ربع ملعقة صغيرة ملح ليمون

طريقة التحضير

تضاف كل المكونات في إناء طهي وترفع على النار. تترك المكونات على نار عالية لتغلي جيداً ومن ثم تخفض الحرارة للمتوسطة ويترك الكاتشب ليتكثف على النار حتى يصل للقوام المطلوب. يضرب الكاتشب في الخلاط أو الكبة أو بالهاند بليندر حتى ينعم تماماً. يرفع الكاتشب مره أخرى على النار ويترك ليتكثف للقوام المطلوب.

تحضر زجاجة ويتم تعقيمها. للتعقيم يتم غمر الزجاجات والبرطمانات في حلة كبيره بها ماء مغلي أو يتم غسلها في غسالة الاطباق ويجفف تماما ويعبى ويحفظ الكلتشب في الفريزر بمدة صلاحية ٦ أشهر أو في الثلاجة لمده اسبوع ألف هنا

طريقة بودرة النسكويك فى البيت

مقادير

كوب كاكاو خام
نصف كوب سكر بودر
نصف كوب لبن بودر
نصف كوب كريم شانتيه بودر
رشة فانيليا
رشة قرفة
م ك نشا
شيكولاتة مبشورة (أى نوع)

لتحضير مشروب النسكويك

2كوب لبن
4م ك بودره النسكويك البيتي
2م ك سكر

الطريقة
امزجي مكونات بودرة النسكويك مع بعض
امزجي ٤ م ك من بودرة النسكويك مع السكر و اللبن وهو بارد ثم ضعي الخليط علي النار وقومي بالتقليب حتي يغلي

طريقة عمل صلصة الديمي جلاس

مقادير

5 كيلو عظم بتلو
2 كيلو بصل
½ كيلو كرفس
½ كيلو كرات
1 كيلو جزر
1 ملعقة كبيرة صلصة طماطم
¼ كيلو دقيق
¼ ملعقة صغيرة زنجبيل
½ كيلو طماطم
¼ ملعقة قرفة
¼ ملعقة بقدونس مفروم
3 ورق لورا
1 ملعقة كبيرة عسل أبيض
1 ملعقة كبيرة معجون طماطم
4 لتر ماء ساخن
1 ملعقة كبيرة ملح
1 ملعقة كبيرة فلفل

طريقة التحضير

1- احضري صينية كبيرة وضعي فيها عظام البتلو في الفرن حتى تأخذ اللون البني الداكن ويجب أن لا تحترق.
2- سخّني حلة كبيرة على النار على درجة حرارة مرتفعة، ضعي فيها الخضروات ماعدا صلصة الطماطم، الطماطم والدقيق.
3- ضعي العظام على الخضار وقلّبي جيداً حتى يصبح لونهم بني غامق مع الحرص أن لا تحرقيه، ثم ضعي قليل من الماء
واستمري في التقليب.
4- اضيفي صلصة الطماطم وقلّبيهم لمدة 10 دقائق ثم اضيفي الدقيق، المياه الساخنة والطماطم واغلّيهم على نار هادئة لمدة 7 ساعات.
5- صفّي المزيج بمصفاة وضعيه في الثلاجة واستخدميه في وصفاتك مع أصناف اللحوم ♡

ملحوظة
بيتباع بودرة ديمجلاس

طريقة عمل الكاستر

المقادير

نصف كوبسكر بودرة
2كوب لبن
2 صفار بيض
معلقة كبيرة نشا
رشة فانيليا

التحضير

تغلى اللبن ثم يترك يبرد نضع النشا والسكر والبيض و الفانيليا ونخلطهم مع بعض جدا نضع الخليط على اللبن على نار هادية مع التقليب حتى يغلظ الخليط ثم يوضع فى اطباق او يوضع على اى نوع حلويات اخرى و الف هنا #أم رودينا

.

 

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق