ثقافة وفن

انا سيناء

بقلم .. امل اللقاني

كنت قاعده وسرحت بخيالي .. ف شوفت واحده جميله .. قاعده وحاطه ايدها على خدها !! كانت لابسه عبايه جميله مزوده جمالها وسحرها
لقيت نفسي بقرب منها وبسألها انت مين ؟
شالت ايدها من على خدها ورفعت راسها لفوق وقالت بشموخ .. ( انا سيناء ) ازاي معرفتنيش ؟
قولتلها حقك عليا حبيبتي متأخذينيش
قالتلي لا زعلت منك لأنك معرفتينيش ..
قولتلها ازاي حبيبتي .. دا انتى قلبي وعلى ارضك بعيش ..
قالتلي ازاي حبيبتك وانتي حتى بقلمك منصفتينيش ؟؟
قولتلها ظلماني حبيبتي وانا غيرك مليش ..
لكن اوعدك .. هكتب عنك ومخبيش
قالتلي اكتبي انتي تعرفيني وغيرك ميعرفنيش
انصفيني يا امل واحكي متداريش

غمضت عينى وشوفت سينا بتبكى … قولتلها سينا حبيبتى انتى بتبكى ؟؟
قالتلى اه لانى تعبت .. ايوه تعبت .. تعبت من كتر الدم اللى بقا اساس لرواء رملى .. تعبت وانا كل يوم بودع شهيد واقف على ارضى .. تعبت من كتر الأهمال والأذى , وانتهاك حقى
قولتلها اهدى يا حبيبتى دا انتى بتجرى فى دمى ..
قالتلى شايفه حالى ؟؟؟ الكل ظالمنى
انتى ساكته ليه قوليلهم بقا عنى
قولتلها حاضر حبيبتى هقول بس انتى هنا استنى .. قالت مش قبل ما تنصفى وتقولى للى ظالمنى انى انا سيناء
مدبوحه والكل جاهلنى ..
بيقولوا عنى انى وكر للى كارهينى ..
قولتلها كفكفى دموعك حبيبتى واسمعى بقا منى ..
انتى يا سينا بتجرى فى دمى .
قالتلى حاضر بس مش قبل ما تقولى اللى تعرفيه عنى ..
قولتلها انتي يا سينا تاريخك حافل بالامجاد والبطولات …
انتى بوابة بوابة مصر الشرقيه وحصنها فى مواجهة المخاطر ..
على ارضك دارت اشهر المعارك
وعبر دروبك 15 جيشا من كل امم الأرض
قالتلى انتى كده بدأتى تطمنينى .. قولتلها اصبرى حبيبتى ومتقاطعينيش
انتى حبيبتى اسمك كنايه عن القمر لما قدماء المصريين اطلقوا عليكى اسم الاله ( سين )
من الفيروز حبيبتى اتاخد صفاتك .. وفيكى اتشقت قناة السويس اللى هى اهم ممر مائى فى العالم .
انتى ارض الأنبياء والديانات السماويه بدءا من الخليل ابراهيم عليه السلام اللى عاش فيكى وموسى عليه السلام اللى اقام بيكى
انتى حبيبتى مصدر لمناجم النحاس والفيروز والزبرجد .
بتتمتعى بخبرة كبيره فى مجال الطب والاعشاب الى بتنمو فى ارضك
حبيبتى يا سينا مهما قولت مش هعرف اوصفك مش هينصفنى قلمى فى كتاباتى عنك
انتى حبيبتى القلب والروح
وماقدرش اعيش بعيد عنك

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق