ثقافة وفن

الهدة الصيحة

بقلم هبةعبداللطيف

الأيام اللي فاتت ظهرت أقاويل كتير عن حدوث الهُدة أو الصيحه في منتصف رمضان يوم الجمعة القادم..
لكن ايه صحة الكلام ده.هل فعلا الجمعه الجاية هتحصل الهُدة أو الصيحه.هل فعلا ده لما يحصل هيظهر المهدي وان الهدة دي من العلامات السابقه للظهور
طيب تعالوا الأول واحدة واحده كده نعرف كل شيء بشرح بسيط جدا
أولا لازم نفرق بين الهده ،الصيحه ،النداء
(الهدة) وهى صوت سقوط شيء من السماء
(الصيحه) هي صوت شديد صادر من السماء
(النداء) هو صوت بردو صادر من السماء لكن هيكون فيه امان وطمأنينه
الهدة هى جاية من ارتطام شيء في السماء بجسم اخر وعشان كده هيحدث نتيجة التصادم او الاحتكاك ده صوت فظيع جدا
طيب هل فيه هدة او صيحه هتحصل في رمضان
نرجع تاني عشان أقولك ان الصيحة دي وردت في حوالي ١٣موضع في القرآن وكانت بتشير للعذاب والغضب الالهي على الناس اللي ضلت وحادت عن طريق الطاعة والإيمان
الصيحه أتت في آيات قرآنية كتيرة منها على سبيل المثال الآتي
١-،بسم الله الرحمن الرحيم
وأخذ الذين ظلموا الصيحة فأصبحوا في ديارهم جاثمين
٢-ولما جاء أمرنا نجينا شعيبا والذين آمنوا معه برحمة منا وأخذت الذين ظلموا الصيحة فأصبحوا في ديارهم جاثمين
٣- فأخذتهم الصيحة مشرقين فجعلنا عاليها سافلها وأمطرنا عليهم حجارة من سجيل
٤- وكانوا ينحتون من الجبال بيوتا آمنين فأخذتهم الصيحة مصبحين

دول بضع آيات ورد فيهم ذكر الصيحه ومن هنا نتأكد بقى انها للعذاب مش بشرى ولا صوت جبريل اللي هيصدر باسم المهدي المنتظر زي ما ناس كتير بتقول
صوت سيدنا جبريل اللي هيبشر بظهور المهدي هيكون توقيته بعد الفجر في الوقت المرتقب لظهور المهدي وهيكون صوت عظيم صادر من السما ولطيف يعني مش صوت عذاب ولا رعب

طيب ايه هى الهدة اللي كتير قالوا انها هتحصل في نص رمضان يعني يوم الجمعه القادم وأكدوا انه ده طبقا لحديث شريف اللي هو ده
عن أبي هريرة رضي الله عنه عن النبي صل الله عليه وسلم
قال..
تكون هدة في شهر رمضان توقظ النائم.وتفزع اليقظان ،ثم تظهر عصابة في شوال ثم معمة في ذي الحجة ثم تنتهك المحارم في المحرم.ثم يكون موت في صفر ثم تتنازع القبائل في الربيع .ثم العجب كل العجب بين جمادي ورجب ،ثم ناقة مقتبة خير من دسكرة تقل مائة ألف**

طبعا الحديث ده موضوع وضعيف وده اللي قاله شيوخ كتير من دار الافتاء وغيرها

يعني مفيش حديث صحيح عن الهدة في رمضان ؟ لا يافندم
طيب يعني مش هيحصل الهدة دي أصلا ؟؟
أقولك تعالى بقا نشوف الجانب العلمي والفلكي بيقول ايه
بيقول ان فيه كويكب أو مذنب أو نجم يقال انه الثاقب أو الطارق بيظهر كل ٤٠٠٠سنة
النجم أو الكويكب ده لما هيدخل المجال الجوي للأرض هيحدث نتيجة احتكاك ذنبه بالأرض صوت فرقعه فظيعه هتوقظ النايم.والواقف هيقعد والقاعد هيقف وربما يحدث اسقاط او إجهاض الحوامل من الخوف
بردو شدة الصوت أو الفرقعه دي واللي قالوا ان الحديث يقصدها هنتصرف ازاي عند سماعها
أهل العلم قالوا لو سمعت هذا الصوت الزم بيتك ولا تخرج منه وتخر ساجدا وتقول هذا الذكر لحد ما ينتهي الصوت
(سبوح قدوس رب الملائكة والروح.قدوس قدوس قدوس)
اذن ده هيحصل عند مرور المذنب ده ؟
اقولك ايوة كل شيء وارد لكنه مش صوت سيدنا جبريل اللي هيسبق ظهور المهدي
طيب ليه الصوت هيكون بشع كده وممكن يسبب صمم أو عمى.وايه الرعب ده كله ؟
هقولك عشان وقت احتكاك المذنب بالمجال الجوي الأرضي هيصدر مايشبه انفجار القنبلة النووية بالظبط لكن الاختلاف ان الوميض بتاع المذنب هيختفي تدريجي مش زي القنبلة اللي بيختفي بسرعه
طيب هل سبق ظهور المذنب ده علامه ؟؟
قالوا اه هى عمود نار هيظهر في السما
طيب هل وردت أنباء عن ظهور عمود النار ده في السماء ؟؟
أقولك لحد اللحظة دي أنا مقرأتش عن ظهوره يعني مفيش خبر مؤكد
طيب ايه هيحصل تاني بعد ما المذنب يدخل مجالنا الجوي ؟!/ هيظهر دخان ياسيدي هيفضل لمدة اسبوع أو عشر أيام وده بردو قالوا عنه انه العلامه المذكورة بشأن يوم القيامة واللي وردت انه هيظهر دخان من السما
دي بردو معتقدش انها العلامه والله أعلى وأعلم..
المذنب ده أخد اهتمام كبير ليه ؟؟ اقولك عشان موعد ظهوره واللي محدش قدر يحدده الا بعد اكتشافه من شاب استرالي هاو للفلك.بعدها المراصد الفلكية والأقمار الصناعية رصدته بعد الخبر ده ب ٤أيام
يعني من الاخر يا جماعة الصيحه اللي بيقولوا عليها دي للعذاب مش خير ابدا وربنا يبعدها عنا
الهدة هى مرور النجم الثاقب أو نيبرو أو أيا كان اسمه.وقتها الزم بيتك.ومنقدرش نقول انه مش هيحصل
لكن اللي اقدر اقوله دي حاجه هتحصل بغته ومفيش حاجة هتحصل في منتصف رمضان او يوم الجمعه القادم
نهدى بقا وننشغل بالعبادة.. العلامات بتظهر فجأه ياجماعه
يعني الحقوا صححوا مساركم في العبادة
أما الحديث اللي قال
(اذا رأيتم عمودا أحمر في رمضان فادخروا طعامكم فانها سنة الجوع)

ده بردو حديث موضوع ولا اساس له من الصحه
طيب لو فيه هدة هتحصل امته
طبقا بقا لابحاث العلامه محمد عيسى داود ،والباحث هاني محمود ودول ناس متخصصة في علوم آخر الزمان
قالوا ان ابحاثهم وجدت انه ممكن الحدوث في شهر سبتمبر وده لان التقويم الهجري فعلا فيه مغالطة
وطبعا بردو لاأجزم بشيء ولا أرفضه.. انا بقول نعمل حسابنا وخلاص
يعني مفيش هدة يوم الجمعه والله المستعان
أرجو أكون قدمت شيء يفيدكم وانتظروا مقالات قوية الفترة دي
ياريت الشيير والفولووو ده الدعم اللي مطلوب من حضرتك
#الهدة_الصيحة
#هبة_عبد_اللطيف

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى