ثقافة وفن

المواجهة_بالوقت

بقلم نسرين معتوق

#المواجهة_بالوقت

اتعلمت أني أوجه هزائمي بالوقت ، ففي حياة كل واحد فينا ناس ما بيحسنوش أد أستهلاك طاقة إلي حواليهم ، بيستدرجوك لدوشه مش بتاعتك ، حواديت إنت مش طرف فيها بس مرة واحدة لاقيت نفسك جواها .. استنزاف وقت و استنزاف لمزاج حلو كان نفسك تكمل بيه .. بس يمكن كل ده مقدور عليه .
لكن لو كانت الحكاية أكبر و الاستنزاف وصل لمشاعرك ، لراحتك النفسية ، إذا كان بيأذيك و وجوده استنزاف بطيء لروحك .. يبقى لازم تعمل وقفه .
العقل و المنطق بيقول أنهي وجوده من حياتك و أتخلص منه فوراً .. بس لو ده صعب
ما هو أكيد مش هتقطع علاقتك بقريب مثلاً أو هتسيب شغلك أو دراستك علشان زميل .
هنا يبقى لازم تحجم وجوده في حياتك و تتعلم تحول الطاقة السلبية الصادرة منه لطاقة إيجابية في صالحك ، و إذا كان و لابد من دخولك لمعركة يبقى أختار إنت وقت معركتك ، ما تخليهوش يهزمك مرتين ، مرة بإيلامك و المرة الثانية بأنه يخسرك حاجات تانية لازم تبقى في أولوياتك دلوقت .
‏أستثمر ألمك لصالحك و تمسك بترتيبك لأولوياتك و أختار الوقت المناسب لمعركتك و أعرف إن قوتك مش في مواجهة قدرك .. لأ ، ده كمان في طريقتك في التعامل معاه و إنت بتواجهه .

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى