قصص

المصممه المصريه نانسي النيل لي مملكتي فن الديكوباج فن جميل يحول الاشياء التي لاقيمه لها لاشياء مذهله

يعد فن الديكوباج من الفنون المعروفه في الكثير من دول العالم الا هناك قله قليله كن حريصات علي تعلم هذا الفن قبل سنوات مضت ومنهن المصممه نانسي النيل والتي اتخذت من هذا الفن طريقه للتوعيه به وكذلك مجال تجاري مميز تطمح من خلاله الوصول للعالميه ولمعرفه الكثير عن نانسي يمكنكم متابعه حسابها علي الانستجرام والفيس بوك

اسمي نانسي النيل ..لفتره طويله من حياتي كنت مجرد أم و موظفه في واحده من شركات الاتصالات العالميه خارج مصر .. درست ارشاد سياحي لاني بحب الاثار والفن والتاريخ ودايما كنت وما زلت حاسه اني طالعه من كتاب تاريخ قديم بكل المعاني .. حب الفن وخاصه اليدوي حاجه موجوده في اعماقي .. أمي كانت مدرسه تربيه فنيه وكنت بحب اقعد اتفرج عليها وهي بتشتغل انواع كتير من الاشغال اليدويه .. وعشان العرق دساس كل واحد في عائلتي الصغيره طلع عنده نظره فنيه بطريقه مختلفه عن التاني بما في ذلك اولادنا كمان.

الفنون اليدوية كانت دايما بتلفت نظري لذلك كنت بأشتري كتير ديكورات وازين بيتي زي كأنه متحف او جاليري وبالرغم من ان احساس اني شخص مستهلك مش منتج مضايقني ، عمري ما فكرت اشتغل بإيدي .. وفي يوم قررت اني حابطل اكون مستهلكه وابتدي انتج … جربت في الاول وفشلت بس ميأستش عشان كنت مؤمنه ان جوايا طاقه لازم تطلع وان مافيش حد مبيعرفش بس في حد لسه مجربش .. ما اهتمتش بكل التعليقات السلبيه وكملت تجارب لحد ما لقيت نفسي في فن الديكوباج واتعمقت فيه وقرأت عنه اتفرجت علي فيديوهات كتير ولفت نظري جدا الشغل الروسي .. بدأت اجربه ومره ورا مره بدأت اتقنه واكتشف طرق جديده تخليه يلفت النظر اكتر ولأني حبيت اتميز عملت تصاميمي الخاصه وبطريقتي الخاصه ..
في الحقيقه انا كنت مستغربه ليه ربنا خلاني اكتشف موهبتي بعد كل السنين دي بس فهمت السبب اما خسرت وظيفتي واضطريت ارجع مصر واقعد في البيت .. بلا مبالغه الديكوباج هو اللي خلاني عايشه لحد دلوقتي وخلي عندي هدف جديد حابه احققه وبقضي فيه ساعات بدون ملل.. انا شخص مبيعرفش يقعد مبيعملش حاجه .. قصتي ممكن تكون مش مؤثره اوي ولا فيها دراما كتير بس فيها تصميم واراده ويقين وثقه في ربنا وفي قدراتي الشخصيه .. الايمان بالنفس مهم جدا عشان توصل لهدفك وعلي فكره الفن مالهوش سن ..

https://www.youtube.com/channel/UCrbMYU74fWplmqVg1NbRxwA
https://www.youtube.com/channel/UCrbMYU74fWplmqVg1NbRxwA

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق