فن ومشاهير

الصحاب . بقلم أيه محمد الشيخ

مقالى هذا بعنوان الصحاب 🤗
قبل ماتتسرع وتطلق على شخص انه صاحبك!!!
تعالا اقولك يعنى ايه صاحب؟
الصاحب: يعنى روح كامنه بس فى جسد أخر 👌
يعنى اللى يفهمك من نظرة عين 👁
يعنى اللى تفضل تضحك وتهزر ومش مبطل ضحك فيبصلك ويقولك مالك ايه مضايقك 😔 مش اللى يضحك معاهم اصلكم روح واحدة بس فى جسدين 💞
اللى مهما غبت اول مايشوفك يجرى عليك بالأحضان لا عمره يلومك ولا عمر مكانك هياخده حد… وهو برده اللى اول مايشوفك حتى لو كنت معاه من لحظات يجرى عليك يحضنك كأنك غايب عنه من شهور او كتير من الايام 💋
اللى لما تكون مضايق ميسبكش غير اما تخلص كل طاقتك السلبية 👌


اللى بتتكلم معاه وانت مش خايف ان سرك يخرج بره او يتفوه بيه.. بتتكلم وانت حاسس انك بتفضفض مع نفسك بس بصوت عال 👌🌹
اللى بتاخد بكلامه بدون ماتتردد لحظة لانك واثق انه خايف عليك اكتر منك 💝
اللى مهما لجئتله متأكد انه مش هيخذلك.. حتى لو هو فى اصعب ظروفه..
وهو برده اللى اول مايجيلك خبر حلو بتجرى عليه تبلغه لانك واثق ومتأكد ان الفرحه من غيره مش هتكمل 👌
هو اللى مهما دريت دموعك عنه يبصلك ويحضنك ده لو معيطتش قبل منك 😢
هو اللى لو مش عارف تكلمه او توصله تحس ان يومك ناقصه حاجه مش بتكمل الا بيه..
هو اللى لو حد جاب سيرتك قدامه يفتخر وبعلو صوته يقولو ده روحى التانيه وهو برده اللى لو حد ذكرك بسوء يقوم ياكله من بطنه وميطقش عليك الهوا الطاير 👌


عرفت يعنى ايه صاحب ولا اقول كماااااان 💞 وكماااااان..
بالمناسبة اكتر صورة تعبر عن الصحاب هى صورة الشمعة البيضا والسمرااا لان الصاحب هو دايما اللى بينور حيات صحابه وقت عتمتهم👌 وفى ختام مقالى هذا احب اشكر صحباتى اللى بجد متحلاش الحياه الا بيهم 💝
بيرو “عبير عبدالله” ـــــــ رشا مكى ــ ايمان الجمل ــ مى عادل ــ اسماء ابراهيم ـ بطوطتى ـــ منال ــ ايمان ــ علا البدوى صاحبت صورة الشمعتين اللى متٱخرتش عنى ثانية لما طلبتها وصاحبة عمرى اللى مهما كتبت عنها بجد هتجف الاقلام من روعتها ــ نوراـ نورـــــــــ روبى ــــــ ودودى حقيقى شكرا لانكم فى حياتى 💞💋💝
الصاحب هو اللى بيحلى اى مكان انتم ال2 متواجدين فيه مش شرط جمال المكان قد ماتواجدكم وروحكم الحلوة بتحلى اى مكان تكونوا فيه 💞

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى