صحة طفلك

الرضا

بقلم عبير عبدالله


غلطه كبيره كلنا بنقع فيها واحنا بنرتبط إننا بنقيم علاقتنا على أساس السعاده في العلاقه العاطفيه .. ايوه السعاده مش مقياس حقيقي لنجاح العلاقه .. المقياس الحقيقي هو الرضا ..
فرق كبير قوي بين الرضا و السعاده .. السعاده ممكن تكون لحظيه .. شويه مبسوط و مزاجك عنب مع شريك حياتك .. و شويه متخانق و متعكنن و مش طايق تتكلم معاه ..
لكن الرضا هو انك في عز زعلك منه لو جه حد سألك انت راضي عن إرتباطك معاه ؟ هترد بدون تفكير ” أيوه الحمد لله ” .. لأنك ساعتها بتتكلم عن حاله عامه انت عايش فيها .. واعي و شايف عيوب حبيبك و مميزاته و قادر تقيمها و تحطها في ميزان و بكل عدل وانصاف تلاقي انك فعلا راضي وان الانسان اللي معاك ده شخص يستحق انك تكون معاه حتي وانت زعلان منه .
لو بتدور علي السعاده المطلقة فخليك واثق انك مش هتلاقيها لأن مفيش اي اتنين في العالم ما عندهمش مشاكل مع بعض لأننا ببساطه مش نُسَخ من بعض .. ولو حسيت انك في سعاده مُطلقه مستمره ..اعرف انك وصلت الاول لمرحلة الرضا لى تخليك تكسب السعادة المستمرة.
الخلاصه .. قياس مدى فشل او نجاح علاقتك بالرضا مش بالسعاده ..
ربنا جعل الرضا حاله و السعاده شعور !!

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
إغلاق